సౌతిండియాతో పాటు బాలీవుడ్‌లో కూడా 'గజిని, హాలీడే' చిత్రాలతో మంచి గుర్తింపు తెచ్చుకున్న దర్శకుడు మురుగదాస్‌. కాగా ప్రస్తుతం ఈయన మహేష్‌బాబుతో తెలుగు, తమిళ భాషల్లో ఓ భారీ చిత్రాన్ని రూపొందిస్తున్నాడు. ఇక ఇదే సమయంలో మురుగదాస్‌ బాలీవుడ్‌లో సోనాక్షిసిన్హా ప్రధాన పాత్రలో 'అకీరా' అనే చిత్రాన్ని తీస్తున్న సంగతి తెలిసిందే. కాగా ఈ చిత్రాన్ని బాలీవుడ్‌ దర్శకుడు అనురాగ్‌కశ్యప్‌తో కలిసి మురుగదాస్‌ స్వయంగా నిర్మిస్తున్నాడు. ఇప్పటికే విడుదలైన ట్రైలర్లు, ఆడియో పెద్ద హిట్‌ అయ్యాయి. పోస్టర్స్‌ కూడా ఈ చిత్రంపై ఆసక్తిని పెంచుతున్నాయి. ఇక ఈ చిత్రం యూనిట్‌ ప్రస్తుతం ప్రమోషన్స్‌తో బిజీగా ఉంది. ఈ చిత్ర ప్రమోషన్‌లో మురుగదాస్‌ కూడా జాయిన్‌ అయ్యాడు. ఈ శుక్రవారం అంటే సెప్టెంబర్‌ 2న ఈ చిత్రం దేశవ్యాప్తంగా విడుదలకు సిద్దమవుతోంది. మరి ఈ చిత్రంతో మురుగదాస్‌ హ్యాట్రిక్‌ కొడితే మహేష్‌ సినిమాకు కూడా అది పెద్ద ప్లస్‌ పాయింట్‌ అవుతుంది.
Advertisementt
Loading..