రాజమౌళి తండ్రి కోసమేనా 'రాధ ప్రేమకథ'?
యూవీ క్రియేషన్స్ సంస్థ తాజాగా రెండు టైటిల్స్ ను రిజిష్టర్ చేయించారు. అందులో ఒకటి 'సిద్ద' కాగా మరొకటి 'రాధ ప్రేమకథ'. 'బాహుబలి2' తర్వాత ప్రభాస్ యూవీ క్రియేషన్స్ బ్యానర్లో సుజిత్ దర్శకత్వంలో ఓ మూవీ చేయనున్న విషయం తెలిసిందే. మరి ఈ మూవీ కోసం 'సిద్ధ' అనుకున్నా.. మరి రెండో టైటిల్ 'రాధ ప్రేమకథ' ఎవరికోసం? ప్రస్తుతం అనుష్క యూవీ క్రియేషన్స్ లో ఓ మూవీ చేస్తున్న విషయం తెలిసిందే. 'భాగమతి' అనే టైటిల్ అనుకుంటున్న ఈ మూవీకి టైటిల్ మార్చి 'రాధ ప్రేమకథ' గా పెట్టనున్నారా! దీని వెనుక రాజమౌళి తండ్రిగారైన విజయేంద్రప్రసాద్ వుండి ఉంటాడా! అనే అనుమానాలు వినిపిస్తున్నాయి. కారణం.. విజయేంద్రప్రసాద్ ఎప్పటినుండో 'భాగమతి' అనే టైటిల్ తో స్వయంగా తానే ఓ చిత్రాన్ని తెరకెక్కించాలని చూస్తున్న విషయం తెలిసిందే. అందుకోసం కథ కూడా రెడీ చేసుకుని ఉన్నానని పలు ఇంటర్వ్యూలలో చెప్పాడు కూడా. సో.... బాహుబలి షూటింగ్ టైమ్ లో ప్రభాస్ తో ఈ విషయం చెప్పడంతో.. తన సొంత బ్యానర్ అయిన యూవీ క్రియేషన్స్ లో 'భాగమతి'ని 'రాధ ప్రేమకథ' తో రిప్లేస్ చేయించాడని అనుకుంటున్నారు. ఏ విషయం యూనిట్ నుండి అఫీషియల్ గా తెలియాల్సి వుంది.
