నాని క్రేజ్‌కు ఇదే నిదర్శనం....! నాని క్రేజ్‌కు ఇదే నిదర్శనం....!

'భలే భలే మగాడివోయ్‌' చిత్రంతో రాత్రికి రాత్రి పెద్ద స్టార్‌గా, నేచురల్‌ స్టార్‌గా మారిపోయాడు నాని. ప్రస్తుతం నాని తనని నటుడిని చేసిన గురువు ఇంద్రగంటి మోహనకృష్ణ దర్శకత్వంలో 'జెంటిల్‌మేన్‌' చిత్రంలో నటిస్తున్నాడు. ఇందులో నాని ఓ క్యారెక్టర్‌లో నెగటివ్‌ షేడ్స్‌ ఉన్న పాత్రను కూడా పోషించాడని సమాచారం. ఇందులో నాని సరసన సురభి, నివేదా థామస్‌లు నటిస్తున్నారు. ఈ చిత్రం ఈ శుక్రవారం విడుదలకు సిద్దమవుతోంది. నానికి పెరిగిన క్రేజ్‌ దృష్ట్యా ఈ చిత్రాన్ని యుఎస్‌లో 125స్క్రీన్లలో ప్రదర్శిస్తున్నారని సమాచారం. ఈ ఒక్క విషయమే నానికి పెరిగిన క్రేజ్‌కు అద్దం పడుతోంది. ఈ చిత్రంపై మంచి అంచనాలు ఉన్నాయి. ఈ చిత్రంతో నాని మరో హిట్‌ను కొట్టడం ఖాయం అంటున్నారు. తనకు మంచి క్రేజ్‌, ఇమేజ్‌ వచ్చినా కూడా నాని ఏ చిత్రాలంటే ఆ చిత్రాలు ఒప్పుకోకుండా వెరైటీ కాన్సెప్ట్స్‌ను మాత్రమే ఎంచుకుంటూ ముందుకు వెళ్తున్నాడు. మొత్తానికి నాని ఈసారి 'జెంటిల్‌మేన్‌'తో ఎలాంటి హిట్‌ కొడతాడో వేచిచూడాల్సివుంది.