కేంద్రమాజీ మంత్రి, సీనియర్‌ కాంగ్రెస్‌ నాయకుడు జైపాల్‌రెడ్డి తెలంగాణ రాష్ట్రం సాధించడంలో ఢిల్లీలో మంత్రాంగాలు నడిపి మొత్తానికి అధిష్టానాన్ని ఒప్పించాడు. కానీ తెలంగాణ క్రెడిట్‌ అటు రాష్ట్రాన్ని విడగొట్టిన కాంగ్రెస్‌కు, మద్దతు ఇచ్చిన బిజెపిలకు కాకుండా ఏకమొత్తంగా ఆ క్రెడిట్‌ మొత్తం కేసీఆర్‌ స్వంతం చేసుకున్నాడు. కాగా తెలంగాణ సాధనలో కేసీఆర్‌ నిరాహార దీక్ష ప్రముఖ పాత్ర పోషించిన సంగతి తెలిసిందే. కేసీఆర్‌ చేసింది దొంగ దీక్ష అని అప్పట్లోనే విమర్శలు వచ్చాయి. ఎట్టకేలకు ఈ విషయాన్ని జైపాల్‌రెడ్డి ఒప్పుకున్నాడు. నాడు కేసీఆర్‌ దొంగ దీక్ష చేశాడని, ఆ ఫైల్స్‌ నిమ్స్‌ ఆసుపత్రిలో ఉన్నాయంటూ కేసీఆర్‌ను ఘాటుగా విమర్శించాడు. అయినా కాంగ్రెస్‌ పరిస్థితి మాత్రం తెలంగాణలో, ఏపీలో దీనంగా మారింది. రాష్ట్ర విభజన చేయడం ద్వారా ఏపీ ప్రజలకు, తెలంగాణ ఇచ్చినప్పటికీ ఆ క్రెడిట్‌ కాంగ్రెస్‌కు రాకపోవడం అనేది కాంగ్రెస్‌ చేసుకున్న స్వయంకృతాపరాధం అని చెప్పాలి.
Loading..