నాగ్‌ పాపులర్‌ సాంగ్‌ టైటిల్‌గా! నాగ్‌ పాపులర్‌ సాంగ్‌ టైటిల్‌గా!

తన మొదటి చిత్రం 'ప్రేమ ఇష్క్‌ కాదల్‌' చిత్రంతో అందరినీ ఆకట్టుకున్న యంగ్‌ డైరెక్టర్‌ పవన్‌ సాధినేని. ఇటీవల ఆయన దర్శకత్వంలో నారా రోహిత్‌ హీరోగా 'సావిత్రి' చిత్రం వచ్చింది. కానీ ఈ చిత్రం అందరినీ నిరుత్సాహపరిచింది. కాగా ప్రస్తుతం పవన్‌ సాధినేని తన మూడో ప్రయత్నంగా ఓ రొమాంటిక్‌ కామెడీ ఎంటర్‌టైనర్‌ను తెరకెక్కించేందుకు రెడీ అవుతున్నాడు. కాగా ఎప్పుడో నాగార్జున, అమల కలిసి నటించిన 'నిర్ణయం' చిత్రంలోని 'హలో గురూ.. ప్రేమ కోసమేరా జీవితం' అనే పాటలోని ఈ లిరిక్‌నే తన సినిమాకు టైటిల్‌గా పెట్టాడు. ఈ చిత్రాన్ని యూత్‌ ఆడియన్స్‌ను టార్గెట్‌ చేస్తూ తీయనున్నాడు పవన్‌ సాధినేని. మరి ఆయన ప్రయత్నం ఎంతవరకు నెరవేరుతుంది? ఆయనకు దర్శకునిగా తొలి కమర్షియల్‌ హిట్‌ను ఈ చిత్రం అందిస్తుందా? లేదా? అనేది వేచి చూడాల్సి వుంది.