ఇంతకాలం మహేష్‌బాబు నటిస్తున్న 'బ్రహ్మోత్సవం' చిత్రం రిలీజ్‌ డేట్‌ అనౌన్స్‌కాకపోవడంతో చాలామంది ఇతర సినిమాల వారు తమ చిత్రాల డేట్స్‌ను అనౌన్స్‌ చేయలేక కామ్‌గా ఉండిపోయారు. ఎట్టకేలకు ఈ మహేష్‌ చిత్రం విషయంలో ఓ క్లారిటీ వచ్చింది. ఈ చిత్రం ఆడియోను మొదట తిరుపతిలో నిర్వహించాలని భావించారు. కానీ ఈ చిత్రం ఆడియోను మే 6వ తేదీన హైదరాబాద్‌లోని శిల్పకళావేదికలో గ్రాండ్‌గా రిలీజ్‌ చేయడానికి సన్నాహాలు జరుగుతున్నాయి. మిక్కీ జెమేయర్‌ సంగీతం అందిస్తున్న ఈ చిత్రాన్ని పివిపి సంస్థ ప్రతిష్టాత్మకంగా నిర్మిస్తున్న సంగతి తెలిసిందే. కాగా ఈ చిత్రం తమిళ వెర్షన్‌ ఆడియో ఓ వారం గ్యాప్‌ తర్వాత విడుదల చేయనున్నారు. తెలుగు ఆడియో వేడుకకు నాగార్జున చీఫ్‌ గెస్ట్‌గా వస్తాడని సమాచారం. కాగా ఈ చిత్రాన్ని తెలుగు, తమిళ భాషల్లో మే 20న గ్రాండ్‌గా రిలీజ్‌ చేయనున్నారు. దీంతో మహేష్‌ అభిమానుల్లో ఎంతో సంతోషం కనిపిస్తోంది.
Advertisementt
Loading..