Advertisement

ఖుషి విడుద‌లైన రోజే మొద‌లెట్టారు!

Wed 27th Apr 2016 05:38 PM
pawan kalyan,sj suriya,sharath marrar,pawan kalyan and sj surya movie launch,khushi release date,april 27th  ఖుషి విడుద‌లైన రోజే మొద‌లెట్టారు!
ఖుషి విడుద‌లైన రోజే మొద‌లెట్టారు!
Advertisement

చిత్రసీమ‌లో సెంటిమెంట్లు ఎక్కువ‌. ముహూర్తాలంటూ, అచ్చొచ్చిన రోజులంటూ తెగ హ‌డావుడి చేస్తుంటారు సినీ జ‌నాలు. హీరోలు కూడా ఆ సెంటిమెంట్ల‌ని గ‌ట్టిగానే న‌మ్ముతుంటారు. ఇక ద‌ర్శ‌క‌నిర్మాత‌లైతే స‌రేస‌రి. అయితే ప‌వ‌న్ క‌ళ్యాణ్‌లాంటి  ఒకరిద్ద‌రు క‌థానాయ‌కులు మాత్రం ఆ త‌ర‌హా సెంటిమెంట్ల‌ని అస్స‌లు ప‌ట్టించుకోరు. ఆయ‌న ప‌ట్టించుకోరేమో..  కానీ... ఆయ‌న చుట్టూ వుండే మ‌నుషులు మాత్రం ప‌ట్టించుకొంటారు క‌దా! అందుకే ఓ సెంటిమెంటు ప్ర‌కార‌మే ఈ రోజు(ఏప్రిల్ 27) ప‌వ‌న్ కొత్త సినిమా మొద‌లైంది. ఖుషి కాంబినేష‌న్‌లో చిత్రం తెర‌కెక్కుతున్న సంగ‌తి తెలిసిందే. ఎస్‌.జె.సూర్య ద‌ర్శ‌క‌త్వంలో ఫ్యాక్ష‌న్ నేప‌థ్య‌మున్న ఓ చిత్రంలో ప‌వ‌న్‌క‌ళ్యాణ్ న‌టించ‌బోతున్నాడు. ఖుషి, పులి చిత్రాల త‌ర్వాత వీళ్లిద్ద‌రూ క‌లిసి చేస్తున్న చిత్ర‌మిది. ఈ రోజు ఉద‌యం పూజా కార్య‌క్ర‌మాల‌తో సినిమాని లాంఛ‌నంగా మొద‌లుపెట్టారు. అయితే ఈ రోజు ఖుషి సినిమా విడుద‌లైన రోజు. స‌రిగ్గా ప‌దిహేనేళ్ల క్రితం ఇదే రోజు విడుద‌లైన ఖుషి ఘ‌న విజ‌యం సాధించింది. ప్రేమ‌క‌థ‌ల్లో ఓ ట్రెండ్ సెట్ట‌ర్‌గా నిలిచింది. ఆ కాంబినేష‌న్‌లోనే తెర‌కెక్కుతున్న సినిమా కావ‌డంతో ఆ సినిమా విడుద‌లైన రోజునే కొత్త సినిమా మొద‌లుపెట్టారు. ఇదంతా ద‌ర్శ‌కుడు ఎస్‌.జె.సూర్య‌, నిర్మాత శ‌ర‌త్ మ‌రార్ ప్రోద్భ‌లం మేర‌కే జ‌రిగింద‌ట‌. ప‌వ‌న్‌కి ఇలాంటి సెంటిమెంట్ల‌పై పెద్ద‌గా న‌మ్మ‌కం వుండ‌దు. కానీ ద‌ర్శ‌క‌నిర్మాతలు కోర‌డంతో ఓకే చెప్పాడు.  ఈ సినిమా కోసం శ‌ర‌త్ మ‌రార్ కొత్త ఆఫీసులోకి మారాడ‌ట‌.  మ‌రి ఆ ఆఫీసైనా క‌లిసొస్తుందో లేదో చూడాలి. 

Advertisement

Loading..
Loading..
Loading..
Advertisement