వెంకటేష్ ఏ స్టారో తెలియదట!

నందమూరి బాలకృష్ణ వందవ సినిమా 'గౌతమీ పుత్ర శాతకర్ణి' శుక్రవారం లాంఛనంగా మొదలైంది. తెలంగాణా ముఖ్యమంత్రి కేసీఆర్, మెగాస్టార్ చిరంజీవి, వెంకటేష్ వంటి వారి మధ్య ఎంతో వైభవంగా సినిమా ప్రారంభోత్సవ వేడుక జరిగింది. ముఖ్యమంత్రి కేసీఆర్ ఈ కార్యక్రమంలో పాల్గొనడంతో నిండుదనం వచ్చింది.  కేసీఆర్ ముందుగా తనదైన రీతిలో ప్రసంగాన్ని మొదలుపెట్టాడు. కార్యక్రమంలో పాల్గొన్న ప్రతి ఒక్కరి పేరు చెప్పుకుంటూ.. స్పీచ్ ను కంటిన్యూ చేశాడు. చిరంజీవిను మెగాస్టార్ అని సంబోధించిన కేసీఆర్ వెంకటేష్ మాత్రం ఏ స్టారో తెలియదని అన్నారు. వెంటనే ఆయన పక్కన ఉన్న వ్యక్తి విక్టరీ అని చెప్తే విక్టరీ వెంకటేష్ అని పలికారు.