మహేష్‌ పోస్టర్‌పై ఆసక్తికర చర్చ! మహేష్‌ పోస్టర్‌పై ఆసక్తికర చర్చ!

మహేష్‌బాబు నటిస్తున్న 'బ్రహ్మోత్సవం' చిత్రానికి సంబంధించిన కొత్త పోస్టర్‌ ఉగాది నాడు విడుదలైన సంగతి తెలిసిందే. కాగా ఈచిత్రం తెలుగుతోపాటు తమిళంలో కూడా రిలీజ్‌ కానుంది. దీంతో ఈ చిత్రంలో ముఖ్యపాత్రలకు తెలుగు, తమిళం రెండు భాషల్లో గుర్తింపు ఉన్న నటీనటులను ఎంచుకున్నారు. కాగా 'మిర్చి' చిత్రంతో అదరగొట్టి, 'బాహుబలి' చిత్రంలో కట్టప్పగా దేశవ్యాప్తంగా గుర్తింపు తెచ్చుకున్న సీనియర్‌ స్టార్‌ సత్యరాజ్‌ ఈ 'బ్రహ్మోత్సవం' చిత్రంలో మహేష్‌బాబుకు తండ్రి పాత్రను చేస్తున్నాడు. అయితే తాజాగా విడుదలైన కొత్త పోస్టర్‌లో మహేష్‌ మోకాళ్లపై కూర్చొని ఓ వ్యక్తి పాదాలకు చెప్పులు తొడుగుతున్న లుక్‌ అందరినీ ఆకర్షించిన సంగతి తెలిసిందే. కాగా ఈ చిత్రంలో మహేష్‌ చెప్పులు తొడుగుతున్నది తన తండ్రిగా నటిస్తున్న సత్యరాజ్‌కేనని అనుకుంటున్నారు.