నందమూరి ఫ్యామిలీలో జరుగుతున్న ఇంటర్నల్ గొడవలు నిర్మాతల పాలిట, బయ్యర్ల పాలిట శాపంగా మారనున్నాయా? బాహాటంగానే ఎటువంటి జంకు బొంకు లేకుండా జూనియర్ ఎన్టీయార్ నుండి రాబోతున్న నాన్నకు ప్రేమతో మీద బురద జల్లే కార్యక్రమాలు బాలకృష్ణ అభిమానులు ముమ్మరంగా చేస్తున్నారా? అవుననే అంటున్నాయి సినీ వర్గాలు. ఆంధ్ర ప్రదేశ్ రాష్ట్రంలోని ముఖ్య జిల్లాల్లో బాలకృష్ణ ఫ్యాన్స్, తెలుగు దేశం పార్టీ విధేయులు ఈ సినిమాను ఎట్టి పరిస్థితుల్లోను విజయం దరిదాపుల్లోకి కూడా వెళ్ళకుండా ఆపేందుకు ప్రణాళికలు రచిస్తున్నారట. ఇందుకోసం ఎంత డబ్బు ఖర్చయినా పర్వాలేదు, మీరు మీ పనుల్లో ఉండండీ అంటూ వర్తమానాలు పంపారట. సినిమాలకు, రాజకీయాలకు ఉన్న సంబంధం మనకు తెలియనిది కాదు. సంక్రాంతికి ఎన్టీయార్ గనక బాలకృష్ణ డిక్టేటర్ మీద పైచేయి సాధిస్తే అది తెదేపాకు కొత్త రాష్ట్రంలో పూర్తిగా ఎదురుదెబ్బే అవుతుంది. అందుకే అందివచ్చిన ప్రతి మాధ్యమాన్ని వినియోగించుకొని బుడ్డోడిని దెబ్బేయాలని చూస్తున్నారు. ఇంతటి విపత్కర పరిస్థుతుల మధ్య అన్నింటినీ తట్టుకుని నాన్నకు ప్రేమతో నిలబడితే అది సంచలనమే అవుతుంది. అదే కాసింత ఓపెనింగ్ నెగెటివ్ టాక్ వచ్చినా అది తారక్ పాలిట శరాఘాతమే!!!
Advertisementt
Loading..