తమన్నాకు కోపమొచ్చింది..! తమన్నాకు కోపమొచ్చింది..!

ఫొటో మాత్రమే తనదని, ఇంటర్వ్యూ మాత్రం తనది కాదని హీరోయిన్‌ తమన్నా ఫైర్‌ అవుతోంది. తన పేరుతో ప్రచురించిన ఓ తమిళ ఇంటర్వ్యూని ప్రస్తావిస్తూ... ఆమె అసలు తాను అలాంటి ఇంటర్వ్యూ ఇవ్వలేదని, అందులో చెప్పిన అభిప్రాయాలు తనవి కాదని అంటోంది. 'కుముదం' తమిళ వార పత్రికలో వచ్చిన ఇంటర్వ్యూ తనది కాదని హీరోయిన్‌ తమన్నా వెల్లడించారు. ఆ ఇంటర్వ్యూ తాను ఇచ్చింది కాదని, అలాంటి ఫేక్‌ ఇంటర్వ్యూలపై వివరణలు ఇవ్వలేక విసుగొస్తోందని ఆమె తన ట్విట్టర్‌ ఖాతా ద్వారా అసహనం వ్యక్తం చేసింది. ఆ ఇంటర్వ్యూలో రాసిన విషయాల్లో చాలా వాటికి తన అభిప్రాయాలకు అసలు పొంతనే లేదని, అందుకే అభిమానులు గందరగోళానికి గురి కాకుండా తాను వివరణ ఇస్తున్నానని ఆమె స్పష్టం చేసింది.