అఖిల్‌కు చేదోడు వాదోడు..! అఖిల్‌కు చేదోడు వాదోడు..!

అక్కినేని వంశం నుండి తెరంగేట్రం చేస్తున్న నవతరం హీరో అఖిల్‌. ఆయన వినాయక్‌ దర్శకత్వంలో తన డెబ్యూ మూవీ అఖిల్‌ చిత్రం చేస్తున్న సంగతి తెలిసిందే. ఇప్పటికే దాదాపు సినిమా షూటింగ్‌ పూర్తికావచ్చిన ఈ చిత్రంలోని అఖిల్‌ ఇంటడ్రక్షన్‌ సాంగ్‌ను అన్నపూర్ణ స్టూడియోస్‌లో ప్రత్యేకంగా వేసిన సెట్‌లో చిత్రీకరిస్తున్నారు. జానీ మాస్టర్‌ కొరియోగ్రఫీలో ఈ పాట రూపొందనుంది. కాగా ఈ పాటలో అఖిల్‌తో పాటు అతని తండ్రి నాగార్జున, సోదరుడు నాగచైతన్య కూడా అఖిల్‌తో కలిసి చిందులేస్తున్నారు. ఈ ఇద్దరు ఈ చిత్రంలో గెస్ట్‌రోల్స్‌ చేస్తున్నట్లు సమాచారం. ఈ పాట వల్ల సినిమాకు మరింత క్రేజ్‌ రావడంతో పాటు సినిమాకు నిండుతనం వస్తుందని, అక్కినేని అభిమానులను ఈ చిత్రం బాగా అలరిస్తుందని యూనిట్‌ సభ్యులు భావిస్తున్నారు.