నాగ్ కి అఖిల్ ఇచ్చే పుట్టినరోజు కానుక! నాగ్ కి అఖిల్ ఇచ్చే పుట్టినరోజు కానుక!

ప్రస్తుతం వి.వి.వినాయక్‌ దర్శకత్వంలో నితిన్‌ తండ్రి సుధాకర్‌రెడ్డి నిర్మాణంలో హీరోగా అరంగేట్రం చేస్తోన్న యంగ్‌ హీరో అక్కినేని అఖిల్‌. ఆయన నటిస్తున్న చిత్రం షూటింగ్‌ శరవేగంగా జరుగుతోంది. ఈ చిత్రాన్ని అక్టోబర్‌ 22న దసరా కానుకగా విడుదల చేయాలని ప్లాన్‌ చేస్తున్న సంగతి తెలిసిందే. ఈ చిత్రం టీజర్‌ను నాగార్జున పుట్టినరోజు కానుకగా ఆగష్టు 29న విడుదల చేయాలని నిర్ణయించారు. టీజర్‌తోపాటు ఈ చిత్రం టైటిల్‌ను కూడా అదేరోజు రివీల్‌ చేయడానికి సిద్దమవుతున్నారు. ఈ చిత్రానికి ‘మిస్సైల్‌’ అనే టైటిల్‌ను పెట్టనున్నట్లు ఆమధ్య వార్తలు వచ్చాయి. అయితే వాటిని నిర్మాతలు ఖండిరచారు. మరి అక్కినేని కుటుంబ వారసుడైన అఖిల్‌ చిత్రానికి ఎలాంటి టైటిల్‌ ఫిక్స్‌ చేస్తారో వేచిచూడాలి! ఈ చిత్రంలో అఖిల్‌ సరసన హీరోయిన్‌గా సాయేషాసైగల్‌ అనే కొత్త అమ్మాయిని పరిచయం చేస్తున్నారు.