నృత్య దర్శకుడిగా చాలా బిజీగా ఉన్న సమయంలోనే లారెన్స్ డైరెక్షన్ వైపు కన్నేశాడు. ఆయన ప్రతిభపై నమ్మకముంచిన నాగార్జున దర్శకుడిగా తొలి అవకాశం ఇచ్చారు. ఆ చిత్రం తెలుగునాట 'మాస్'గా ప్రేక్షకుల గుండెల్లో నిలిచిపోయింది. ఆ తర్వాత మరోసారి లారెన్స్ కింగ్ నాగార్జునతో 'డాన్' తీసినా అది ఆశించిన ఫలితాలను ఇవ్వలేకపోయింది. ఇక మరోసారి ఈ కాంబినేషన్ రిపీట్ అయ్యే అవకాశాలు కనిపిస్తున్నాయి. కాంచన-2 హిట్తో మంచి ఊపుమీదున్న లారెన్స్ తన తదుపరిచిత్రాన్ని నాగార్జునతో తీయనున్నట్లు చర్చలు కొనసాగుతున్నాయి.
ముని, కాంచన, కాంచన-2 అంటూ భయపెట్టే సినిమాలతో లారెన్స్ అటు తమిళ్ ఇటు తెలుగులో కూడా సంచలన విజయాలను నమోదు చేసుకున్నాడు. కాంచన-2 విడుదలై పెద్ద విజయాన్ని సాధించడంతో ఇక తన తదుపరి చిత్రంపై లారెన్స్ దృష్టి కేంద్రీకరించాడు. ఈ మేరకు నాగార్జునను కలిసి స్టోరీ కూడా వినిపించాడని, కింగ్ కూడా సినిమాకు పచ్చజెండా ఊపినట్లు సమాచారం. దీంతోనే త్వరలోనే ఈ సినిమా షూటింగ్ను మొదలుపెట్టడానికి లారెన్స్ సన్నాహాలు చేస్తున్నట్లు తెలుస్తోంది.
Loading..