ఆరేళ్ల తర్వాత విదేశాలకు వర్మ! ఆరేళ్ల తర్వాత విదేశాలకు వర్మ!

కోట్లలో సినిమాలు తీయడం మానేసి కేవలం లక్షల్లో సినిమాలు తీస్తున్న రామ్‌గోపాల్‌ వర్మ ప్రస్తుతం సచిన్‌జోషి హీరోగా, మీరాచోప్రా హీరోయిన్‌గా సచిన్‌ జోషినే నిర్మాతగా ఓ చిత్రాన్ని తెరకెక్కిస్తున్నాడు. ఈ చిత్రానికి ‘ఎఫైర్‌’ అనే టైటిల్‌ను కూడా ఖరారు చేశారు. ఈ చిత్రానికి మాత్రం వర్మ బాగానే ఖర్చు చేస్తున్నాడట. ఇటీవలి కాలంలో వర్మ విదేశాలలో షూటింగ్‌ జరిపి ఆరేళ్లు అవుతోంది. అప్పుడెప్పుడో నితిన్‌ హీరోగా నటించిన ‘అడవి’ చిత్రం కోసం ఆయన శ్రీలంకలోని శ్రీగిరియా అడవుల్లో షూటింగ్‌ జరిపాడు. ఆ తర్వాత ఆయన ‘ఐస్‌క్రీమ్‌’ వంటి చిత్రాలను ఒకే ఇంట్లో తీశాడు. కాగా తాజా చిత్రం ‘ఎఫైర్‌’ చిత్రం షూటింగ్‌ కోసం ఆయన విదేశాలకు వెళ్లుతున్నాడు. ఈ చిత్రంలోని కీలకసన్నివేశాలను ఆయన పోలెండ్‌లో చిత్రీకరించేందుకు అక్కడ వెళ్లనున్నాడని సమాచారం.