ఈ యువ హీరోకి కాశీ నేపథ్యం కలిసొస్తుందా?

యువ కథానాయకుడు సందీప్‌కిషన్ హిట్ అనే మాట విని చాలా కాలం అయింది. ‘వెంకటాద్రి ఎక్స్‌ప్రెస్’ తర్వాత ఈ హీరోకి ఇప్పటి వరకు సరైన హిట్ లేదు. వరుస పరాజయాలతో సతమతమవుతున్న సందీప్ సరైన కమర్షియల్ హిట్ కోసం ఎదురుచూస్తున్నాడు. ప్రస్తుతం ఆయన నటిస్తున్న చిత్రం ‘టైగర్’ చిత్రంపైనే ఆశలన్నీ పెట్టుకున్నాడు.  ఏఆర్ మురుగదాస్ శిష్యుడు వి.ఐ.ఆనంద్ దర్శకత్వంలో రూపుదిద్దుకుంటోన్న ఈ చిత్రంలో ‘రన్ రాజా రన్’ ఫేం సీరత్‌కపూర్ కథానాయిక. ఠాగూర్ మధు సమర్పణలో ఎన్‌వీ ప్రసాద్  ఈ చిత్రాన్ని నిర్మిస్తున్నారు. కాశీ నేపథ్యంలో సాగే  ఈ యాక్షన్ థ్రిల్లర్ మళ్ళీ తన కెరీర్‌ను ఊపందుకునేలా చేస్తుందని సందీప్ ఆశిస్తున్నాడు. అంతేకాదు ‘ఇంద్ర’ సినిమాలో చిరంజీవి కలిసొచ్చినట్టుగా ‘టైగర్’కు కూడా కాశీ నేపథ్యం కలిసొస్తుందని ఆశతో వున్నాడు సందీప్.