ఫామ్‌ కోసం రవిబాబు ఆరాటం!! ఫామ్‌ కోసం రవిబాబు ఆరాటం!!

దర్శకనటుడు రవిబాబు గతంలో ‘అవును’ చిత్రం తీసి మంచి హిట్టుకొట్టాడు. ఇప్పుడు దానికి సీక్వెల్‌గా ‘అవును 2’ను తెరకెక్కిస్తున్న సంగతి తెలిసిందే.అయితే సినిమా ఎప్పుడో పూర్తి అయినప్పటికీ ‘గోపాల గోపాల’ రిలీజ్‌, ఆ తర్వాత రామానాయుడు మృతితో ఈ చిత్రం విడుదల ఆలస్యమైంది. ఎట్టకేలకు ఈ చిత్రాన్ని ఏప్రిల్‌ 2 లేదా 3 వతేదీన విడుదలకు సన్నాహాలు చేస్తున్నట్లు సమాచారం. ‘సన్నాఫ్‌ సత్యమూర్తి’ వాయిదా పడితే ఆ తేదీన ఈ చిత్రాన్ని విడుదల చేయాలని భావిస్తున్నారు. ఈ డేట్‌ మిస్‌ అయితే మరో రెండు మూడు నెలల దాకా విడుదల కష్టమని యూనిట్‌ భావిస్తోంది. సురేష్‌ప్రొడక్షన్స్‌తో కలిసి ఫ్లయింగ్‌ ఫ్రాగ్స్‌ పతాకంపై రవిబాబు దర్శకత్వంలో ఈ చిత్రం రూపొందుతోంది. హర్షవర్థన్‌ రాణే, పూర్ణ జంటగా నటిస్తున్న ఈ చిత్రంపై రవిబాబు ఎన్నో ఆశలు పెట్టుకొని ఉన్నాడు. తన కిందటి చిత్రం ‘లడ్డూబాబు’ డిజాస్టర్‌గా నిలిచిన నేపథ్యంలో ‘అవును2’ ద్వారా మరలా ఫామ్‌లోకి రావాలని రవిబాబు కసితో ఉన్నాడు. లోబడ్జెట్‌లో తెరకెక్కుతున్న ఈ చిత్రం పెట్టుబడిలో సగం శాటిలైట్‌ ద్వారానే వచ్చే అవకాశం ఉండటంతో యూనిట్‌ ఎంతో హ్యాపీగా ఉంది.