'మోసగాళ్ళకు మోసగాడు' రెడీ అవుతున్నాడు! 'మోసగాళ్ళకు మోసగాడు' రెడీ అవుతున్నాడు!

లక్ష్మి నరసింహ ఎంటర్ టైన్మెంట్స్ పతాకంపై తెరకెక్కించిన క్రైమ్ థ్రిల్లర్ జోనర్ 'స్వామిరారా' చిత్రంతో అద్భుతమైన విజయాన్ని సొంతం చేసుకున్నారు నిర్మాత చక్రి చిగురుపాటి. అయితే ఆ చిత్రానికి సీక్వెల్ గా 'స్వామిరారా2' నిర్మిస్తున్నారన్న విషయం తెలిసిందే. కాని ఈ చిత్రానికి టైటిల్ గా 'మోసగాళ్ళకు మోసగాడు' ను ఖరారు చేసినట్లు సమాచారం. గతంలో ఇదే టైటిల్ తో వచ్చిన సూపర్ స్టార్ కృష్ణ సినిమా ఎంత పెద్ద సక్సెస్ సాధించిందో అందరికీ తెలుసు. ఇప్పుడు అదే టైటిల్ తో వస్తున్న ఈ సినిమాలో కృష్ణ కుటుంబసభ్యుడైన సుదీర్ బాబు హీరోగా నటించడంతో సినిమాపై అంచనాలు భారీగా పెరిగాయి. అయితే ప్రస్తుతం ఈ సినిమా షూటింగ్ ముగించుకొని రికార్డింగ్ పనులలో బిజీగా ఉందని సమాచారం. దర్శకుడు ఎ.ఎన్.బోస్, ఈ చిత్రం తో స్వామి రారా కంటే పెద్ద సక్సెస్ ని ఈ బ్యానర్ కి అందివ్వబోతున్నాడని అప్పుడే టాలీవుడ్ లో వార్తలు వినిపిస్తున్నాయి. త్వరలోనే ఈ చిత్ర ఆడియో జరగనుంది.