మేడేకి ముహూర్తం చూసుకున్న ‘మాస్‌’...! మేడేకి ముహూర్తం చూసుకున్న ‘మాస్‌’...!

తమిళస్టార్‌ హీరో సూర్య వెంకట్‌ ప్రభు దర్శకత్వంలో నటిస్తున్న విభిన్న కథా చిత్రం ‘మాస్‌’. కాగా ఈ చిత్రం షూటింగ్‌ శరవేగంగా జరుగుతోంది. ఇటీవల ఈ చిత్రానికి సంబంధించిన కొన్ని కీలక సన్నివేశాలను నెల్లూరుజిల్లా కృష్ణపట్నం పోర్ట్‌లో చిత్రీకరించారు. అనంతరం చెన్నైలో రెగ్యులర్‌ షూటింగ్‌ను జరుపుకుంటున్న ఈ చిత్రం త్వరలో షూటింగ్‌ పూర్తి చేసుకోనుంది. ఈ చిత్రాన్ని మే 1వ తేదీన తమిళ, తెలుగు భాషల్లో ఒకేసారి గ్రాండ్‌గా రిలీజ్‌ చేయడానికి సన్నాహాలు చేస్తున్నారు. కాగా ఈ చిత్రంపై సూర్య ఎన్నో ఆశలు పెట్టుకొని ఉన్నాడు. తన గత చిత్రం ‘అంజాన్‌’ (తెలుగులో ‘సికిందర్‌) తమిళ, తెలుగు భాషల్లో డిజాస్టర్‌గా నిలిచిన సంగతి తెలిసిందే. దీంతో ‘మాస్‌’ చిత్రంతో తన స్టామినాను మరోసారి తమిళ,తెలుగు ప్రేక్షకులకు చూపించాలని సూర్య ఆశిస్తున్నాడు.