'ప్రస్థానం' సినిమాతో తెలుగు ప్రేక్షకులకు పరిచయమైన నటుడు సందీప్ కిషన్. ప్రస్థానం సినిమాలో నెగెటివ్ షేడ్స్ ఉన్న పాత్రలో నటించినా తరువాత వచ్చిన 'రొటీన్ లవ్ స్టొరీ, వెంకటాద్రి ఎక్స్ ప్రెస్' సినిమాలలో హీరోగా నటించి ప్రేక్షకుల ఆదరణ పొందాడు. అయితే ఈ యువ హీరో రీసెంట్ గా బాలీవుడ్ సినిమా 'బద్లాపూర్' చూసి అందులో నెగెటివ్ షేడ్స్ ఉన్న నవాజుద్దిన్ సిద్దికి పాత్రలో నటించాలని కోరికగా ఉందని చెబుతున్నాడట. ఈ సినిమాలో నవాజ్ విభిన్నమైన వేషాలతో బ్యాంకులో దొంగతనాలు చేస్తుంటాడు. ఆయన పెర్ఫార్మన్సు సందీప్ కు చాలా నచ్చిందట. తెలుగులో 'బద్లాపూర్' సినిమా రీమేక్ చేస్తే నవాజ్ పాత్రలో తనకి నటించాలని ఉందట. మరి ఈ యువ హీరో కోరిక నెరవేరుతుందో లేదో చూడాలి..!
Loading..