అనుకోకుండా తమిళ స్టార్ ధనుష్ నటిస్తున్న రెండు చిత్రాలు వారం వ్యవధిలో విడుదలకు ముస్తాబవుతున్నాయి. ఆయన బాలీవుడ్ లో నటించిన రెండో చిత్రం 'షమితాబ్' ఫిబ్రవరి 6న విడుదలకు సిద్దమవుతోంది. ఈ చిత్రంలో ఆయన అమితాబ్ బచ్చన్ తో కలిసి నటిస్తున్నాడు. ఈ చిత్రం ట్రైలర్ కు అద్బుతమైన రెస్పాన్స్ వస్తోంది. ఇక ధనుష్, అమైరా దస్తూర్, కార్తిక్ ముఖ్యపాత్రల్లో కె.వి.ఆనంద్ దర్శకత్వంలో రూపొందుతున్న 'అనేగన్' చిత్రం ఫిబ్రవరి 13న విడుదలకు సిద్దమవుతోంది. ఈ చిత్రంలోని 'టంకామారి...' అనే పాట ఆన్ లైన్ లో హల్ చల్ చేస్తోంది. ఫిబ్రవరి 14న ప్రేమికుల దినోత్సవం కానుకగా ఒక్కరోజు ముందు ఈ చిత్రం విడుదలవుతోందని దర్శకుడు కె.వి.ఆనంద్ అధికారికంగా ప్రకటించాడు. ఈ రెండు చిత్రాలపై భారీ అంచనాలే ఉండటంతో ధనుష్ అభిమానులు ఉత్కంటగా ఎదురుచూస్తున్నారు.
Loading..