హర్రర్ కామెడీ జోనర్ లో వచ్చిన 'గీతాంజలి' చిత్రం ఎంతటి విజయం సాధించిందో అందరికీ తెలుసు. ఈ చిత్రానికి సీక్వెల్ ను తెరకెక్కిస్తున్న సంగతి తెలిసిందే. అయితే మొదటి భాగంలో టైటిల్ పాత్రను పోషించిన అంజలి, బ్రహ్మానందం, తెరవెనుక పనిచేసిన కోనవెంకట్ వంటి వారిని పక్కన పెట్టి అదే దర్శకుడు రాజ్ కిరణ్ ఈ చిత్రానికి డైరెక్టర్ గా వ్యవహరిస్తున్నాడు. మొదటి భాగం బాగా హిట్ అవ్వడంతో ఈ సీక్వెల్ కు 'గీతాంజలి 2' అనే టైటిల్ పెట్టాలని భావించినప్పటికీ అలా పెడితే సినిమా విడుదలకు ముందే అంచనాలు పెరిగి అసలుకే మోసం వస్తుందని, అంతేకాక అదే టైటిల్ పెడితే ఆ కధకు కొనసాగింపుగా రెండో భాగాన్ని భావిస్తున్నారని, తెలుగులో ఇలా చేసిన సినిమాలు పెద్దగా సక్సెస్ కాకపోవడం వల్ల.. ఇలా పలుకారణాలతో ఈ చిత్రం టైటిల్ ను 'త్రిపుర' అని పెట్టినట్లు సమాచారం. ఈ చిత్రంలో కలర్స్ స్వాతి లీడ్ రోల్ పోషిచనుంది. ఆమె క్యారెక్టర్ పేరు బాలా త్రిపుర సుందరి కాబట్టి 'త్రిపుర' పేరును పెడితేనే అన్ని విధాల మంచిదని యూనిట్ భావిస్తోందట...!
Advertisementt
Loading..