సునీల్ సరసన సంజన చెల్లి..! సునీల్ సరసన సంజన చెల్లి..!

సినిమాలు, పర్ ఫార్మెన్స్ పరంగా కాకుండా వివాదాల ద్వారా టాలీవుడ్ ప్రేక్షకులకు గుర్తున్న హీరోయిన్ సంజన. తెలుగులో కొన్ని చిత్రాల్లో నటించినప్పటికి ఎలాంటి గుర్తింపుకు నోచుకోని ఈ కన్నడ అమ్మాయి చెల్లెలు నిక్కీ గర్లానీ మాత్రం కన్నడ, తమిళ, మలయాళ భాషల్లో మంచి విజయాలు సాధిస్తోంది. ఇటీవల వచ్చిన తెలుగు 'ప్రేమకధాచిత్రమ్' తమిళ రీమేక్ 'డార్లింగ్'లో నటించి మంచి మార్కులు కొట్టేసిన ఈ అమ్మడు త్వరలో సునీల్ సరసన హీరోయిన్ గా నటించే అవకాశం చేజిక్కించుకుందని సమాచారం. దిల్ రాజు నిర్మాతగా వాసువర్మ దర్శకత్వంలో రూపొందే చిత్రంలో నిక్కీ గర్లానికి హీరోయిన్ ఛాన్స్ వచ్చినట్లు ఇండస్ట్రీ టాక్. మరి ఈ అమ్మడైనా తన అక్కలాగా కాకుండా పదేళ్ళు అందరు గుర్తుపెట్టుకునే నటిగా మిగిలిపోతుందేమో వేచిచూడాల్సివుంది...!