జబర్ధస్త్‌ రేష్మి హీరోయిన్‌గా వి. సినీ స్టూడియో నూతన చిత్రం ప్రారంభం
వి. సినీ స్టూడియో పతాకంపై బాలాజీ నాగలింగం సమర్పణలో డి. దివాకర్‌ దర్శకత్వంలో 'జబర్ధస్త్‌ రేష్మి' ప్రధాన పాత్రలో 'వి. సినీ స్టూడియో' ప్రొడక్షన్‌ నెంబర్‌ 1 చిత్రం పూజాకార్యక్రమాలతో ప్రారంభమైంది. ఈ కార్యక్రమానికి ముఖ్య అతిధులుగా ప్రముఖ దర్శకుడు బి. గోపాల్‌, కమెడియన్‌ ఆలీలు పాల్గొని, పూజా కార్యక్రమాలు నిర్వహించారు. వి. లీనా నిర్మిస్తున్న ఈ చిత్రానికి కెమెరామెన్‌గా ప్రేమకథా చిత్రమ్‌ చిత్ర దర్శకులు జె. ప్రభాకర్‌రెడ్డి వ్యవహిరిస్తున్నారు.
ఈ సందర్భంగా చిత్ర దర్శకుడు డి. దివాకర్‌ మాట్లాడుతూ..'ఆద్యంతం ఆకట్టుకునే హర్రర్‌ చిత్రమిది. రేష్మిగారు ఈ పాత్రకు యాఫ్ట్‌ అనిపించి ఎంపిక చేశాం. ఈరోజు(డిశంబర్‌ 16) నుండి రెగ్యులర్‌ షూటింగ్‌ ప్రారంభించుకుని జనవరి ఎండింగ్‌కి చిత్రాన్ని పూర్తి చేయనున్నాం..' అని అన్నారు.
రేష్మి, ఆనంద్‌బాబు, వైజాగ్‌ ప్రసాద్‌, పూర్ణిమ, కాశీవిశ్వనాధ్‌, సప్తగిరి తదితరులు నటిస్తున్న ఈ చిత్రానికి కెమెరా: జె. ప్రభాకర్‌ రెడ్డి, స్టోరీ అండ్‌ స్క్రిఫ్ట్‌: ప్రసాద్‌ వనపల్లె, డైలాగ్స్‌: కాశీ విశ్వనాధ్‌, సమర్పణ: బాలాజీ నాగలింగం, నిర్మాత: వి. లీనా, స్క్రీన్‌ప్లే-దర్శకత్వం: డి. దివాకర్‌.
Loading..