సచిన్ జోషి, మీరాచోప్రా జంటగా జెడ్3 ప్రొడక్షన్స్ బ్యానర్ పై రామ్ గోపాల్ వర్మ దర్శకత్వం వహిస్తున్న సినిమా 'మొగలిపువ్వు'. ఈ సినిమా టీజర్ లాంచ్ శనివారం హైదరాబాద్ లోని ప్రసాద్ ల్యాబ్ లో జరిగింది. ఈ సందర్భంగా ఏర్పాటు చేసిన విలేకర్ల సమావేశంలో రామ్ గోపాల్ వర్మ మాట్లాడుతూ ''రొమాన్స్ , ఫ్యామిలీ సెంటిమెంట్ తో కూడిన సైకలాజికల్ థ్రిల్లర్ సినిమా ఇది. మొగలిపువ్వు పుష్పం అయినప్పటికీ డేంజర్ అని మన మైథలాజికల్ పురాణాలలో చెప్పారు. అలాంటి వ్యక్తిత్వం గల ఓ అమ్మాయిని బేస్ చేసుకొని సినిమాకి ఈ టైటిల్ పెట్టాం. మనిషి జీవితంలోకి మొబైల్ ఫోన్స్ వచ్చాక అన్నింటికంటే వాటినే జాగ్రత్తగా దాచుకుంటున్నారు. ఫోన్ లో మనం దాచుకునే విషయాలు పక్కన ఉండే వాళ్లకు కూడా తెలియవు. అదే టెక్నాలజీను మిస్ యూజ్ చేస్తే ఎలాంటి పరిణామాలు ఎదురవుతాయో ఈ సినిమాలో చూపించాం. ఈ టెక్నాలజీతో ఫ్యామిలీ జీవితాలు ఎలా మారుతున్నాయో కూడా చూపిస్తున్నాం. పెళ్ళైన వ్యక్తి తన ఆఫీస్ లో పని చేసే ఓ అమ్మాయితో అక్రమసంబంధం పెట్టుకుంటే తరువాత వాళ్ళ మొబైల్ ఫోన్స్ ద్వారా వారి కుటుంబాలు ఎలా మారాయో ఈ చిత్రంలో చూపించాం" అని అన్నారు.
సచిన్ జోషి మాట్లాడుతూ "రామ్ గోపాల్ వర్మ గారితో పని చేయడం చాలా సంతోషంగా ఉంది. ఓ పెళ్ళైన వ్యక్తి జీవితంలో ఓ అమ్మాయి ఎంటర్ అయితే ఎలా ఉంటుందో, ఎలాంటి మార్పులు జరుగుతాయో ఈ సినిమాలో చూపించారు" అని అన్నారు.
ఇంకా ఈ కార్యక్రమంలో డిస్ట్రిబ్యూటర్ అనిల్ కటాని పాల్గొన్నారు.
Loading..