ఈసారి వెంకటేష్‌, రవితేజల వంతు..!! ఈసారి వెంకటేష్‌, రవితేజల వంతు..!!

విజయ్‌, మోహన్‌లాల్‌ ప్రధాన పాత్రల్లో నటించిన తమిళ చిత్రం 'జిల్లా'. తమిళంలో విజయవంతమైన ఈ చిత్రాన్ని తెలుగులో రీమేక్‌ చేయడానికి సన్నాహాలు చేస్తున్నారు. ఇందులో రవితేజ, వెంకటేష్‌ నటించనున్నారని సమచారం. గతంలో తెలుగులో ఈ మూవీని ఓ ప్రముఖ హీరో రీమేక్‌ చేస్తారని ప్రచారం జరిగింది. అయితే కథ సంతృప్తి కరంగా లేదని ఆ హీరో ఈ మూవీ రీమేక్‌ ప్రాజెక్టునుంచి పక్కకు తప్పుకున్నారు. ఇక అదే సమయంలో ఈ సినిమా గురించి తెలుసుకున్న వెంకటేష్‌, రవితేజలు మాత్రం ఓకే చెప్పినట్లు తెలిసింది. ఏప్రిల్‌లో సెట్స్‌ మీదకు వచ్చే ఈ సినిమాకు వీరుపోట్ల దర్శకత్వం వహిస్తారని సమాచారం. 'గోపాల గోపాల' మల్టీస్టారర్‌ మూవీతో మంచి హిట్‌ను అందుకున్న వెంకటేష్‌ ఇక రవితేజతో కలిసి ఎలాంటి ఫలితాన్ని ఇస్తారో వేచిచూడాల్సిందే.