శర్వానంద్‌, నిత్యామీనన్‌ జంటగా కె.ఎస్‌.రామారావు సమర్పణలో క్రియేటివ్‌ కమర్షియల్‌ మీడియా అండ్‌ ఎంటర్‌టైన్‌మెంట్‌ లిమిటెడ్‌ పతాకంపై కె.క్రాంతిమాధవ్‌ దర్శకత్వంలో కె.ఎ.వల్లభ నిర్మించిన ప్రేమకథా చిత్రం ‘మళ్ళీ మళ్ళీ ఇది రానిరోజు’. ఈ చిత్రం ఇటీవల విడుదలై ప్రేక్షకాదరణ పొందుతున్న నేపథ్యంలో బుధవారం హైదరాబాద్‌లోని ప్రసాద్‌ ల్యాబ్‌లో చిత్ర యూనిట్‌ సక్సెస్‌మీట్‌ని నిర్మించింది. ఈ కార్యక్రమంలో ఎ.రమేష్‌ప్రసాద్‌, హీరో శర్వానంద్‌, హీరోయిన్‌ నిత్యామీనన్‌, నటి పావనిరెడ్డి, సినిమాటోగ్రాఫర్‌ జ్ఞానశేఖర్‌, సంగీత దర్శకుడు గోపిసుందర్‌, సింగర్‌ కిరణ్మయి సుందర్‌, దర్శకుడు కె.క్రాంతి మాధవ్‌, మాటల రచయిత సాయిమాధవ్‌ బుర్రా, నిర్మాత కె.ఎ.వల్లభ తదితరులు పాల్గొన్నారు.
రమేష్‌ప్రసాద్‌: ఈ సినిమాకి సంబంధించి డైరెక్టర్‌ క్రాంతిమాధవ్‌తో నాకు మంచి అనుబంధం వుంది. ఈ కథ నేను ముందే విన్నాను. ఒక మంచి టీమ్‌ మంచి చిత్రాన్ని రూపొందించింది. ఈ సినిమా మంచి సక్సెస్‌ అయినందుకు టీమ్‌ని అభినందిస్తున్నాను.
గోపిసుందర్‌: టీమ్‌లోని ప్రతి ఒక్కరూ చాలా హ్యాపీగా వున్నారు. ముఖ్యంగా క్రాంతిమాధవ్‌ ఫేస్‌లో ఆ హ్యాపీనెస్‌ కొట్టొచ్చినట్టు కనిపిస్తోంది. ఇది ఒక వండర్‌ఫుల్‌ మూమెంట్‌.
సాయిమాధవ్‌ బుర్రా: మంచి సినిమా వస్తే, ప్రేక్షకులకు నచ్చేలా తీస్తే తప్పకుండా ఆదరిస్తామని ప్రేక్షకులు మరోసారి రుజువు చేశారు. ఈ చిత్ర కథ వల్ల, ఇందులోని క్యారెక్టర్స్‌ వల్ల మంచి డైలాగ్స్‌ రాసే అవకాశం కలిగింది. సినిమాని ఇంత పెద్ద హిట్‌ చేసిన ప్రేక్షకులకు థాంక్స్‌.
నిత్యామీనన్‌: ఈ సినిమా మా అందరికీ ఎంతో సంతృప్తినిచ్చింది. ఇలాంటి మంచి సినిమాని సక్సెస్‌ చేసిన అందరికీ కృతజ్ఞతలు.
శర్వానంద్‌: ఈ సినిమా నన్ను ప్రేక్షకులకు మరింత దగ్గర చేసింది. క్రాంతిమాధవ్‌గారు చాలా అద్భుతంగా ఈచిత్రాన్ని రూపొందించారు. ఈ చిత్రాన్ని ఆదరిస్తున్న ప్రేక్షకులకు థాంక్స్‌.
క్రాంతిమాధవ్‌: రమేష్‌ప్రసాద్‌గారి సపోర్ట్‌ లేకపోతే నేను డైరెక్టర్‌ని అయ్యేవాడినే కాదు. ఈ సినిమా సక్సెస్‌ అయినందుకు చాలా హ్యాపీగా వున్నాను. అందరికీ కృతజ్ఞతలు.
కె.ఎ.వల్లభ: మా బేనర్‌లో ఇలాంటి ఒక అద్భుతమైన చిత్రాన్ని నిర్మించడం మాకు ఎంతో గర్వంగా వుంది. ప్రతి ఒక్కరూ ఈ సినిమాని ఆదరిస్తూ మమ్మల్ని ఎంకరేజ్‌ చేస్తున్నందుకు వారందరికీ కృతజ్ఞతలు తెలియజేస్తున్నాను.
Loading..