రామాయణం..వారణాసి మ‌హాభార‌తానికి పునాదిలా!
Is Varanasi Based on the Ramayanaభారతీయ చిత్ర పరిశ్రమ సరిహద్దులను చెరిపేస్తూ ప్రపంచ వేదికపై సరికొత్త రికార్డులను సృష్టిస్తోంది. పురాణాలు, ఇతిహాసాల ఆధారంగా తెర‌కెక్కుతోన్న దృశ్యకావ్యాలు బాక్సాఫీస్ వద్ద ప్రభంజనాన్ని సృష్టిస్తున్నాయి. ఈ క్రమంలోనే `రామాయణం`, `వారణాసి` చిత్రాలు కేవలం స్వతంత్ర కథాంశాలు మాత్రమే కాదని.. భవిష్యత్తులో భారతీయ సినిమా చరిత్రలోనే అత్యంత ప్రతిష్టాత్మకంగా రాబోయే `మహాభారతం` సినిమాకు బలమైన పునాదిలా నిలవబోతున్నాయని విశ్లేషకులు భావిస్తున్నారు.
సినిమాటిక్ మేకింగ్, వీఎఫ్‌ఎక్స్ , అంతర్జాతీయ స్థాయి నిర్మాణ విలువలు , కథాకథనంలో వస్తున్న మార్పులు భారతీయ ప్రేక్షకులను పౌరాణిక ప్రపంచంలోకి తీసుకెళ్లడంలో కీలక పాత్ర పోషిస్తున్నాయి. రామాయణం, వారణాసి వంటి భారీ ప్రాజెక్ట్‌లు బాక్సాఫీస్ వద్ద సాధించే సాంకేతిక విజయాలు, మార్కెట్ విస్తరణ, ప్రపంచవ్యాప్త ఆదరణ.. రాబోయే `మహాభారతం` లాంటి మహా ఇతిహాసాన్ని ఏ స్థాయిలో తెరకెక్కించవచ్చో మేకర్స్‌కు స్పష్టమైన రోడ్‌మ్యాప్‌ను అందిస్తున్నాయి. పౌరాణిక చిత్రాలకు ప్రేక్షకుల్లో ఉన్న ఆదరణను ఈ చిత్రాలు మరోసారి నిరూపిస్తున్నాయి.
మహాభారతం అంటేనే వందలాది పాత్రలు, సంక్లిష్టమైన సన్నివేశాలు, లీనమయ్యే విజువల్స్ అవసరమైన సబ్జెక్ట్. అంతటి మహా కావ్యాన్ని వెండితెరపై ఆవిష్కరించేందుకు కావలసిన బడ్జెట్ రికవరీ మార్కెట్, అత్యాధునిక గ్రాఫిక్స్ సాంకేతికత , అంతర్జాతీయ పంపిణీ వ్యవస్థలను రామాయణం, వారణాసి చిత్రాలు ఇప్పటికే సిద్ధం చేస్తున్నాయి. ఒక రకంగా చెప్పాలంటే ఈ చిత్రాలు సాధించే సాంకేతిక ..వాణిజ్య విజయాలు మహాభారతం ప్రాజెక్ట్‌కు బలమైన పునాది రాయిగా ఉపయోగపడనున్నాయి.
ఇండియన్ సినిమా గ్లోబల్ స్థాయిలో సరికొత్త అధ్యాయాన్ని లిఖిస్తున్న తరుణంలో.. రామాయణం, వారణాసి అందించే విజువల్ ఎక్స్‌పీరియన్స్ భవిష్యత్తు చిత్రాలకు బెంచ్‌మార్క్‌గా నిలవడమే కాకుండా మన సంస్కృతి, ఇతిహాసాలను ప్రపంచస్థాయిలో నిలబెట్టే `మహాభారతం` కల నిజమవ్వడానికి సరైన దిశానిర్దేశం చేస్తున్నాయని చెప్పొచ్చు.
