ప్రీతి జింటా ఆర్మీ బ్యాక్గ్రౌండ్.. అల్లరి బాల్యం!
When Preity Zinta pretended to be an adult to sneak into an army partyబాలీవుడ్ డింపుల్ బ్యూటీ ప్రీతి జింటా బాల్యానికి సంబంధించిన ఓ సరదా జ్ఞాపకాన్ని అభిమానులతో పంచుకున్నారు. సైనిక నేపథ్యం ఉన్న కుటుంబంలో జన్మించిన ప్రీతి ఆర్మీ వాతావరణంలో పెరిగిన రోజులను గుర్తుచేసుకుంటూ ఆసక్తికరమైన విషయాన్ని వెల్లడించారు. చిన్నతనంలో పెద్దవారి కోసం నిర్వహించే ప్రత్యేకమైన ఆర్మీ క్లబ్ పార్టీలోకి ప్రవేశించడం కోసం తాను పెద్దదానిగా, వయసు ఎక్కువ ఉన్నట్లుగా నటించాల్సి వచ్చిందని సరదాగా చెప్పుకొచ్చారు.
ఆర్మీ ఆఫీసర్ల క్లబ్లలో జరిగే కొన్ని ఈవెంట్లలోకి కేవలం నిర్దిష్ట వయసు దాటిన పెద్దవారిని (అడల్ట్స్) మాత్రమే అనుమతించేవారని ఆ నియమాన్ని అధిగమించడానికి తన స్నేహితులతో కలిసి ప్రత్యేకంగా దుస్తులు ధరించి మేకప్ వేసుకుని వయసు పెద్దగా కనిపించేలా జాగ్రత్తపడ్డామని తెలిపారు. సెక్యూరిటీ అధికారుల కళ్లు గప్పి ఆ వేడుకలోకి వెళ్లిన అనుభవం తనకు ఇప్పటికీ ఎంతో ప్రత్యేకం అని బాల్యంలో చేసిన అలాంటి చిన్న చిన్న అల్లరి పనులు మధురమైన జ్ఞాపకాలుగా నిలిచిపోయాయని గుర్తుచేసుకున్నారు.
ఆర్మీ కుటుంబంలో పెరగడం వల్ల క్రమశిక్షణతో పాటు ఎన్నో వైవిధ్యమైన అనుభవాలు సొంతమయ్యాయని ప్రీతి పేర్కొన్నారు. క్రమశిక్షణను నేర్చుకుంటూనే మరోవైపు ఇలాంటి సరదా సాహసాలు చేయడం చిన్నతనంలో భాగమని వ్యక్తపరిచారు. ప్రీతి జింటా పంచుకున్న ఆసక్తికర సంఘటన సోషల్ మీడియాలో నెటిజన్లను ఎంతగానో ఆకట్టుకుంటోంది.
