RC16 నుంచి రెహమాన్ తప్పుకోలేదా
AR Rahman NOT replaced by Devi Sri Prasadమెగా పవర్ స్టార్ రామ్ చరణ్, బుచ్చిబాబు కలయికలో ఓ స్పోర్ట్స్ డ్రామా రూపుదిద్దుకుంటున్న విషయం తెలిసిందే. ఇందులో జాన్వీ కపూర్ కథానాయికగా నటిస్తున్నారు. ఈ చిత్రానికి ప్రముఖ సంగీత దర్శకుడు ఎఆర్ రెహమాన్ సంగీతాన్ని అందిస్తున్నారు. అయితే ఇటీవల సోషల్ మీడియాలో ఈ ప్రాజెక్ట్ గురించి ఓ పుకారు చక్కర్లు కొడుతోంది.
అదేంటంటే ఈ సినిమా నుంచి ఎఆర్ రెహమాన్ తప్పుకొని అతని స్థానంలో దేవిశ్రీ ప్రసాద్ చేరారన్నది. ఉప్పెన సినిమాకు దేవిశ్రీ ప్రసాద్ అందించిన సంగీతం మ్యూజికల్ హిట్ కావడంతో ఆయనను తీసుకొచ్చారని పుకారు వెలువడింది. కానీ ఇది పూర్తిగా ఫేక్ వార్త. ఈ సినిమా కోసం ఎఆర్ రెహమాన్ ఇప్పటికే మూడు పాటలకు ట్యూన్లు అందించారు. ఇంకా రెండు పాటలు మాత్రమే మిగిలి ఉన్నాయి.
ఈ ప్రాజెక్ట్ కోసం బుచ్చిబాబు ఎంతో కష్టపడి రెహమాన్ను సంప్రదించారు. ఆయనతో కలిసి నెలల తరబడి పని చేశారు. అలాంటప్పుడు హఠాత్తుగా రెహమాన్ను పక్కన పెట్టడం అసంభవమే. ఇది అభిమానుల ఊహాజనిత ప్రచారమే.
ఇక ఈ చిత్రానికి పెద్ది అనే టైటిల్ పరిశీలనలో ఉందని సమాచారం. మొదట ఈ స్క్రిప్ట్ ఎన్టీఆర్ చేయాల్సి ఉండగా.. కొన్ని కారణాల వల్ల అది రామ్ చరణ్ చేతికి వచ్చింది. చరణ్ శైలికి తగ్గట్లు కొన్ని మార్పులు చేసి బుచ్చిబాబు ఈ ప్రాజెక్ట్ను ఆసక్తికరంగా మలుస్తున్నారు.
AR Rahman Is Very Much On board For Ram Charan, Buchibabu Project
