సలార్ 2 షూటింగ్ పై క్రేజీ అప్ డేట్

సలార్ పార్ట్ 2 షూటింగ్ ఏప్రిల్ లోనే మొదలుకావాల్సి ఉన్నప్పటికీ.. కొన్ని కారణాల వలన సలార్ 2 షూటింగ్ కాస్త ఆలస్యమైంది. ప్రశాంత్ నీల్ సలార్ 2 స్రిప్ట్ ఇంకా నటుల డేట్స్ ని సెట్ చేసుకుంటూ సలార్ 2 ని సెట్స్ మీదకి తీసుకెళ్లేందుకు రెడీ అవుతున్నారు. సలార్ పార్ట్ 1 లో వరదరాజ మన్నార్ గా నటించిన పృథ్వీ రాజ్ సుకుమారన్, మరో కీలక పాత్రధారి బాబీ సింహ లు సలార్ 2 షూటింగ్ కోసం పూర్తిగా ప్రిపేర్ అవుతున్నారు. 

ఇటు ప్రభాస్ కూడా కల్కి షూటింగ్ పూర్తి కావడంతో మారుతి దర్శకత్వంలో నటిస్తున్న రాజా సాబ్ అలాగే ఇప్పుడు సలార్2 షూటింగ్ కోసం రెడీ అవుతారని తెలుస్తోంది. సలార్ 2 షూటింగ్ మే నుంచి మొదలు కాబోతునట్టుగా తెలుస్తోంది. ప్రశాంత్ నీల్ ప్రభాస్-పృథ్వీ రాజ్ సుకుమారన్ ల కాంబో సీన్స్ తో సలార్ సౌర్యంగా పర్వం మొదలు పెట్టబోతున్నట్టుగా సోషల్ మీడియా టాక్. 

ఇక ఈ పార్ట్ లో శృతి హాసన్ పాత్ర కూడా కీలకంగా ఉండబోతుందట. శృతి కూడా సలార్ 2 షూటింగ్ కోసం వెయిట్ చేస్తున్నట్టుగా సమాచారం. హైదరాబాద్ రామోజీ ఫైన్ సిటీలోనే మేజర్ పార్ట్ షూటింగ్ ని ప్రశాంత్ నీల్ ప్లాన్ చేస్తున్నారట. అక్కడ వేసిన సలార్ సెట్ లోనే ఇప్పుడు షూటింగ్ మొదలు పెడుతున్నట్టుగా తెలుస్తోంది.