సమంత అంత పవర్ ఫుల్ కాదు రాశి

బాలీవుడ్ లో సినిమా కాకుండా వెబ్ సీరీస్ తోనే పవర్ ఫుల్ రోల్ తో బోల్డ్ గా నటించి అందరి చేత శెభాష్ అనిపించుకున్న సమంత.. ఫ్యామిలీ మ్యాన్ 2 తో పాన్ ఇండియా స్టార్ అయ్యింది. ఆ తర్వాత పాన్ ఇండియా మూవీస్ యశోద, పుష్పలో ఓ ఐటెం సాంగ్, ప్రస్తుతం శాకుంతలం సినిమాలు చేసింది. ఇప్పుడు కూడా రాజ్ అండ్ DK సిటాడెల్ వెబ్ సీరీస్ షూటింగ్ లో జాయిన్ అవ్వబోతుంది. ఫ్యామిలీ మ్యాన్ లో సమంత బోల్డ్ గానే కాదు.. పవర్ ఫుల్ రోల్ లో యాక్షన్ సీక్వెన్స్ తో అదరగొట్టేసింది. సమంత యాక్షన్ ని అందరూ ఇష్టపడ్డారు. LTT తీవ్రవాదిలా సమంత కనిపించింది. రాజ్ అండ్ DK ఆమె రోల్ ని అందరూ మెచ్చుకునేలా పవర్ ఫుల్ గా డిజైన్ చేసారు.

కానీ అదే రాజ్ అండ్ DK రాశి ఖన్నాకి మాత్రం అన్యాయం చేసారు. రాజ్ అండ్ DK కొత్త వెబ్ సీరీస్ ఫార్జి లో రాశి ఖన్నాకి మంచి రోల్ ఇచ్చారు. షాహిద్ కపూర్, విజయ్ సేతుపతి ల కలయికలో తెరకెక్కిన ఈ వెబ్ సీరీస్ అమెజాన్ ప్రైమ్ లో స్ట్రీమింగ్ లో ఉంది. ఇందులో దొంగ నోట్లు కనిపెట్టే మిషన్ ని ప్రమోట్ చేసే అమ్మాయిగా రాశి ఖన్నా డీసెంట్ లుక్స్ తో కనిపించింది. ఆమె పాత్ర సీరీస్ స్టార్టింగ్ లో బలంగా కనిపించినా.. సీరీస్ చివరికి వచ్చేసరికి తేలిపోయింది. 

అక్కడ ఫ్యామిలీ మ్యాన్ లో సమంత ని పవర్ ఫుల్ గా చూపించిన రాజ్ అండ్ DK ద్వయం రాశి ఖన్నాని మాత్రం ఫార్జి లో తేల్చేసారు. రాశి ఖన్నాని కూడా పవర్ ఫుల్ గా చూపిస్తారేమో.. పాపకి బాలీవుడ్ లో మైలేజ్ వస్తుంది అనుకున్నారు. కానీ ఇక్కడ రాశి ఖన్నా కథ వేరుగా ఉంది.