ఎఫ్ 3 కొత్త షెడ్యూల్ డేట్ వచ్చేసిందా

అనిల్ రావిపూడి - వెంకటేష్ - వరుణ్ తేజ్ కాంబోలో తెరకెక్కిన ఎఫ్ 2 బ్లాక్ బస్టర్ హిట్ అవడంతో దానికి సీక్వెల్ గా దిల్ రాజు ఎఫ్ 3 ని అదే టీం తో తెరకెక్కిస్తున్నాడు. ఇప్పటికే చాలావరకు షూటింగ్ పూర్తయిన ఎఫ్ 3 చిత్రీకరణ అనిల్ రావిపూడికి కరోనా రావడంతో ఆగిపోయింది. మరోపక్క వెంకటేష్ దృశ్యం, నారప్ప  షూటింగ్స్ పూర్తి చేసేసి ఎఫ్ 3 కి కావాల్సినన్ని డేట్స్ కేటాయించేసారు. అలాగే వరుణ్ తేజ్ కూడా అనిల్ రావిపూడికి అందుబాటులో ఉండేలా అన్ని ప్లాన్ చేసుకున్నా సెకండ్ వేవ్ ఉధృతిలో షూటింగ్ చెయ్యడం కష్టమని ఎఫ్ 3 షూటింగ్ ఆపేసారు. అయితే ఈ సెకండ్ వేవ్ ఎలా ఉన్నా ఈసారి ఎఫ్ 3 షూటింగ్ ని మొదలు పెట్టె ఏర్పాట్లలో ఎఫ్ 3 టీం ఉందట. 

ఎఫ్ 3 కోసం వేసిన భారీ సెట్ లో కరోనా కి సంబందించిన అన్ని జాగ్రత్తలు తీసుకుంటూనే ఎఫ్ 3 తదుపరి షెడ్యూల్ కి ప్లాన్ చేస్తుందట టీం. వచ్చేనెల అంటే జూన్ 16వ తేదీ నుంచి షూటింగుకు వెళ్లే విధంగా అనిల్ రావిపూడి అండ్ హీరోలు ఏర్పాట్లు చేసుకుంటున్నారు. సారథీ స్టూడియోస్ లో వేసిన ప్రత్యేకమైన సెట్లో వెంకటేశ్- వరుణ్ తేజ్ ల కాంబినేషన్లో కొన్ని కామెడీ సీన్స్ ను చిత్రీకరించనున్నారని తెలుస్తుంది. ఎంత త్వరగా కుదిరితే అంత త్వరగా షూటింగ్ కంప్లీట్ చేయాలనీ, మళ్ళీ మెహరీన్ పెళ్లి అంటూ పర్సనల్ గా బిజీ అయితే ఆమెతో షూటింగ్ కష్టమని అనిల్ రావిపూడి భావిస్తున్నాడట.