టాలీవుడ్‌లో ఇప్పుడు కొందరికి కొమ్ములొచ్చేశాయ్.. మీడియా పబ్లిసిటీ కావాలని ఇలా చేస్తారో..? లేకుంటే కొద్దిరోజుల పాటు తానూ వార్తల్లో నిలవాలి కదా..? అని ఇలాంటి వ్యాఖ్యలు చేస్తారో అర్థం కాదు కానీ.. తీరా చూస్తే ఏదో అనుకుని చేస్తే ఇంకేదో అయ్యేలా పరిస్థితులు రావడం.. అయ్యో తప్పు చేశామే అని నాలుక్కరుచుకోవడం ఒక పరిపాటి అయిపోయింది. ఇదిగో.. సీనియర్ కొరియోగ్రాఫర్ రాకేష్ మాస్టర్ అందరికీ గుర్తుండే ఉంటాడు. అప్పుడెప్పుడో ఈయన పేరు మారుమోగగా చాలా ఏళ్లుగా అడ్రస్ లేకుండా పోయాడు. అయితే ఆయన్ను ఎక్కడ్నుంచి పట్టుకొచ్చారో కానీ.. ఓ యూ ట్యూబ్ చానెల్ ఇష్టానుసారం మాట్లాడించేసింది. ఈ దెబ్బతో అటు ఆ యూ ట్యూబ్ చానెల్.. ఇటు రాకేష్ మాస్టర్ టాలీవుడ్‌, తెలుగు రాష్ట్రాల రాజకీయాల్లో హాట్ టాపిక్ అయ్యారు.
అసలేం జరిగింది!
ఇందుకు కారణం నందమూరి ఫ్యామిలీని ఆయన కెలకడం..! అటు టాలీవుడ్‌లో.. ఇటు రాజకీయాల్లో నందమూరి కుటుంబం పాత్ర గురించి ప్రత్యేకించి మరీ చెప్పనక్కర్లేదు. మా బ్లడ్, బ్రీడ్ అని బాలయ్య కూడా చెప్పుకుంటూ ఉంటాడు. అయితే తాజాగా.. రాకేష్ మాస్టర్ మాత్రం తన నోటికి బుద్ధి చెప్పి ఇష్టానుసారం మాట్లాడేశాడు. వామ్మో ఈయనేంట్రా బాబోయ్ ఇలా మాట్లాడేస్తున్నారు.. కొంపదీసి పీకల్లోతు మద్యం మత్తులో ఇలా మాట్లాడారా ఏంటి..? అని ఆ ఇంటర్వ్యూ చూసిన జనాలు కంగుతిన్నారట. దివంగత ముఖ్యమంత్రి, ఆంధ్రుల ఆరాధ్యుడు ఎన్టీఆర్ గారి చెప్పుకుని పైకి వచ్చిన ఆయన కుటుంబ సభ్యులు అన్నగారికి తగిన గుర్తింపు, గౌరవం ఇవ్వట్లేదని తన ఇంటర్వ్యూ ప్రారంభించిన రాకేష్ ఎక్కడికెక్కడో వెళ్లిపోయాడు.
ఏం చేస్తున్నారు..?
‘ఎన్టీఆర్‌కి అంతమంది కొడుకులు ఉన్నారు. ఏరోజైనా ఎన్టీఆర్ నివసించిన ఇంటి గురించి ఆలోచించారా? చెన్నైలోని ఆ ఇల్లు ఎలా ఉందో ఒక్కసారైనా చూశారా..? ఇంతకీ మీరు కడుపుకి అన్నం తింటున్నారా? గడ్డి తింటున్నారా? ఒక్క కొడుకైనా ఆ ఇంటిని శుభ్రం చేసి ఒక మ్యూజియంలా చేద్దాం అని ఆలోచించారా? ఇన్ని కోట్లు ఆస్తి సంపాదించారు ఏమి ఉపయోగం..?’ అంటూ రాకేష్ వివాదాస్పద వ్యాఖ్యలు చేశాడు.
ఇద్దర్నీ కెలికాడు..!
అంతటితో ఆగని ఆయన.. బాలయ్య, జూనియర్ ఎన్టీఆర్‌ను గోకి మరీ హాట్ హాట్ వ్యాఖ్యలు చేశాడు. బాలయ్య నోరు తెరిస్తే.. ‘ఆ రోజుల్లో నాన్నగారు.. అంటూ మొదలుపెట్టి బెబ్బెబ్బే అంటారు. సిగ్గు అన్నా ఉండాలి.. ఏంటి బెబ్బెబ్బే?’ అంటూ హడావుడి చేశాడు. ‘ఏయ్ మా తాత సమాధిపైకి ఎక్కుతావా? పైకి ఎక్కొద్దు నువ్..’ అంటూ జూనియర్ ఎన్టీఆర్‌ను సైతం కెలికాడు. ఎందుకింతలా నటిస్తున్నావ్ ఎన్టీఆర్..? అంటూ తెగ మాట్లాడేశాడు. తీరా చూస్తే.. ఎన్టీఆర్ వీరాభిమానులు, నందమూరి ఫ్యాన్స్ సోషల్ మీడియాలో దుమ్మెత్తిపోస్తున్నారు. మరి తన ఫ్యామిలీపై ఎవరైనా పల్లెత్తి మాట మాట్లాడిన వెంటనే స్పందించి స్ట్రాంగ్ వార్నింగ్ ఇచ్చే బాలయ్య ఎలా రియాక్ట్ అవుతారో ఏంటో!
బతుకంతా లిప్ లాక్‌లేనా..? మారరా..!?
Loading..