Advertisement

సూర్య‌కాంతం వ‌చ్చేసింది!

Wed 19th Dec 2018 01:37 AM
niharika,niharika konidela,rahul vijay,pranith bramandapally,nirvana cinemas,varun tej,oka manasu,  సూర్య‌కాంతం వ‌చ్చేసింది!
niharika suryakantham first look సూర్య‌కాంతం వ‌చ్చేసింది!
Advertisement

మ‌ధుర శ్రీ‌ధ‌ర్‌రెడ్డి నిర్మించిన `ఒక మ‌న‌సు` చిత్రంతో తెరంగేట్రం చేసింది మెగా డాట‌ర్ నిహారిక కొణిదెల‌. ఈ సినిమా పేరు తెచ్చినా హిట్‌ని అందించ‌లేక‌పోయింది. ఆ త‌రువాత చేపిన `హ్యాపీఎండింగ్‌` చూసిన వాళ్లంతా నిహారిక కెరీర్‌కి ఇది నిజంగా ఎండింగే అన్నారు. అయినా కెరీర్ విష‌యంలో రాజీప‌డ‌ని నిహారిక మ‌ళ్లీ త‌న అదృష్టాన్ని ప‌రీక్షించుకోవ‌డం మొద‌లు పెట్టింది. త‌మిళంలో విజ‌య్ సేతుప‌తిలో క‌లిసి `ఒరు న‌ల్ల నాల్ పాతు సొల్రే` చిత్రంలో న‌టిస్తూ అంద‌రిని ఆశ్చ‌ర్య‌ప‌రిచిన నిహారిక తెలుగులో మ‌రో కొత్త త‌ర‌హా సినిమాతో ప్రేక్ష‌కుల ముందుకు రాబోతోంది. 

ఫైట్ మాస్ట‌ర్ విజ‌య్ త‌న‌యుడు రాహుల్ విజ‌య్‌తో క‌లిసి నిహారిక న‌టిస్తున్న తాజా చిత్రం `సూర్య‌కాంతం`. పేరుకు త‌గ్గ‌ట్టే గ‌య్యాలి పాత్ర‌లో నిహారిక కొణిదెల న‌టిస్తున్నఈ చిత్రానికి సంబంధించిన ఫ‌స్ట్‌లుక్ పోస్ట‌ర్‌ను మంగ‌ళ‌వారం నిహారిక కొణిదెల పుట్టిన రోజును పుర‌స్క‌రించుకుని విడుద‌ల చేశారు. వెబ్ సిరీస్‌లకు ద‌ర్శ‌క‌త్వం వ‌హించిన ప్ర‌ణీత్ బ్ర‌హ్మాండ‌ప‌ల్లి ఈ చిత్రానికి ద‌ర్శ‌క‌త్వం వ‌హిస్తున్నాడు.  ఫ‌స్ట్ లుక్ పోస్ట‌ర్ ను డిజైన్ చేసిన తీరు ప్ర‌తి ఒక్క‌రినీ ఆక‌ట్టుకుంటోంది. ఒక ప‌క్క ప్రేమ‌గా...మ‌రో ప‌క్క గ‌య్యాలిగా క‌నిపిస్తున్న తీరు సినిమాపై ఆస‌క్తిని రేకెత్తిస్తోంది. 

ఈ చిత్రానికి వ‌రుణ్‌తేజ్ స‌మ‌ర్ప‌కుడిగా వ్య‌వ‌హ‌రిస్తున్నాడు. నిర్వాణ సినిమాస్ బ్యాన‌ర్‌పై సుధీప్ య‌ర్ర‌మ‌రెడ్డి, సుజ‌న్ య‌ర్ర‌బోలు, రామ్ న‌రేష్ సంయుక్తంగా ఈ చిత్రాన్ని నిర్మిస్తున్నారు. `నిహారిక అప్‌క‌మింగ్ ఫిల్మ్ `సూర్య‌కాంతం` చిత్రానికి స‌మ‌ర్ప‌కుడిగా వ్య‌వ‌హ‌రిస్తున్నందుకు ఆనందంగా వుంది. నిహారిక పుట్టిన రోజు సంద‌ర్భంగా ఈ చిత్ర ఫ‌స్ట్‌లుక్‌ను రిలీజ్ చేశాం. అంద‌రికి న‌చ్చుతుంద‌ని ఆశిస్తున్నాను` అని వ‌రుణ్‌తేజ్ ట్వీట్ చేశాడు. ఈ సినిమాతో అయినా నిహారిక హిట్ ని త‌న ఖాతాలో వేసుకుంటుందో చూడాలి.

niharika suryakantham first look:

niharika as suryakantham

Advertisement

Loading..
Loading..
Loading..
Advertisement