మరో తమిళ సినిమా ఓకే చేసిన కాజల్‌!

30ఏళ్ల భామ కాజల్‌అగర్వాల్‌ ప్రస్తుతం తెలుగులో పవన్‌కళ్యాణ్‌ సరసన 'సర్దార్‌గబ్బర్‌సింగ్' చిత్రంలో, మహేష్‌బాబు సరసన 'బ్రహ్మూెత్సవం' చిత్రాలతో పాటు విక్టరీ వెంకటేష్‌ హీరోగా నటించనున్న ఓ కొత్త చిత్రానికి కూడా ఆమె గ్రీన్‌సిగ్నల్‌ ఇచ్చిన సంగతి తెలిసిందే. ఇక ఆమె బాలీవుడ్‌లో 'దో లఫ్జోన్‌కీ కహాని' చిత్రంలో చేస్తోంది. తమిళం విషయానికి వస్తే ఆమె యువస్టార్‌ జీవా సరసన ఓ చిత్రంలో హీరోయిన్‌గా నటిస్తోంది. తాజాగా ఆమె 'వాలు' చిత్ర దర్శకుడు విజయ్‌చందర్‌ దర్శకత్వంలో ఓ చిత్రంలో నటించడానికి గ్రీన్‌సిగ్నల్‌ ఇచ్చింది. ఈ చిత్రంలో ఆమె తమిళ మన్మథుదు శింబు సరసన జోడీగా నటించనుంది. మరి ఈ చిత్రంలో శింబు-కాజల్‌ల జోడీ ప్రేక్షకులను ఏ విధంగా మెప్పిస్తుందో వేచిచూడాల్సివుంది..!