‘జిల్‌’ హీరోయిన్‌కు మంచి ఆఫర్‌! ‘జిల్‌’ హీరోయిన్‌కు మంచి ఆఫర్‌!

గత కొంతకాలంగా సరైన హిట్‌ లేని హీరో రామ్‌... ఎలాగైనా హిట్టు కొట్టాలనే సంకల్పంతో ఉన్నాడు. వరుస చిత్రాలతో బిజీబిజీగా ఉన్నాడు. ఆ కోవలో ఇప్పటికే ‘పండగచేస్కో’ సినిమాను పూర్తి చేసి విడుదలకు సిద్దం చేశాడు. అదే విధంగా మరో రెండు సినిమాలు ‘శివం, హరికథ’ లను ఇప్పటికే సెట్స్‌పైకి తీసుకెళ్లాడు. ‘శివం’ షూటింగ్‌ ఈమధ్యే రెండో షెడ్యూల్‌ ప్రారంభమైంది. ఈ సినిమా ద్వారా శ్రీనివాసరెడ్డి అనే కొత్త దర్శకుడు పరిచయం అవుతున్నాడు. ఈ చిత్రాన్ని స్రవంతి మూవీస్‌ పతాకంపై స్రవంతి రవికిషోర్‌ నిర్మిస్తున్నాడు. ఈ చిత్రంలో రామ్‌ సరసన నటించే హీరోయిన్‌ను ఖరారు చేశారని సమాచారం. ‘జిల్‌’ సినిమాతో ఇటు నటనలోనూ అటు గ్లామర్‌పరంగానూ అందరినీ ఆకట్టుకున్న రాశిఖన్నాను ఎంపిక చేసినట్లు సమాచారం. మొత్తానికి రామ్‌కి జోడిగా రాశిఖన్నా చూడముచ్చనైన జంటగా ఉంటుందని మాత్రం చెప్పవచ్చు.