బండ్ల గణేష్కు మెగా ఆఫర్ రానుందా!
నిర్మాత బండ్ల గణేష్ ‘టెంపర్’ చిత్రం తర్వాత కొంత గ్యాప్ తీసుకుంటున్నాడు. వ్యక్తిగతంగా విదేశాలు తిరుగుతూ రిలాక్స్ అవుతున్నాడు. కాగా రామ్చరణ్ ప్రస్తుతం శ్రీనువైట్లతో చేసే చిత్రం పూర్తయిన తర్వాత ఆయన సురేంద్రరెడ్డి దర్శకత్వంలో ఓ చిత్రం చేయనున్నాడు. ఈ చిత్రం నిర్మాణ బాధ్యతలను రామ్చరణ్ ఏరికోరి గణేష్కు అప్పగించనున్నట్లు సమాచారం. మరో విశేషం ఏమిటంటే.. ఇంతకాలం మెగాస్టార్ చిరంజీవి నటించే 150 వ చిత్రాన్ని స్వయాన రామ్చరణ్ నిర్మాతగా రూపొందనుందనే విషయం తెలిసిందే. తాజా సమాచారం ప్రకారం ఈ చిత్రానికి నిర్మాతగా రామ్చరణ్, సురేఖ సమర్పణలో చిరు 150వ చిత్రం రూపొందనుంది. ఈ చిత్రానికి సహ నిర్మాతలుగా బండ్ల గణేష్తో పాటు ఓ టీవీ చానెల్ యజమాని వ్యవహరించనున్నారని, ఆ టీవీ చానెల్ యజమాని ఎవరో కాదు.. ఎన్ టీవీ అధినేత నరేంద్రచౌదరి అని ప్రచారం జరుగుతోంది. అలాగే ఈ 150 వ చిత్రానికి పూరీజగన్నాథ్ దర్శకునిగా ఎంపిక అయ్యాడని కేవలం అఫీషియల్ అనౌన్స్మెంట్ మాత్రమే మిగిలి ఉందని చెబుతున్నారు.
