సమంత పాత్రలో ఎవరు..?

మలయాళంలో సూపర్ హిట్ అయిన 'బెంగుళూర్ డేస్' చిత్రాన్ని ప్రొడ్యూసర్ దిల్ రాజు, పి.వి.పి తెలుగులో నిర్మించడానికి రైట్స్ పొందిన విషయం తెలిసిందే. అయితే సినిమా నిర్మాణం మొదలవకముందే ఈ చిత్రంపై ఎన్నో వార్తలు వస్తున్నాయి. మొదటగా సిద్ధార్థ్, సమంత ఈ చిత్రంలో లీడ్ రోల్స్ చేస్తారని అన్నారు. కానీ వాళ్ళ మధ్య ఉన్న అపార్ధాల వలనో లేక వేరే కారణం వలనో ఈ చిత్రంలో నటించము అని చెప్పారు. దీంతో సిద్ధార్థ్ స్థానాన్ని హీరో శర్వానంద్ తో భర్తీ చేయనున్నారు. కానీ అఫీషియల్ గా ఇంకా ఆ వార్తను అనౌన్స్ చేయలేదు. ఇప్పుడు సమంత స్థానంలో ఎవరు నటిస్తారనే విషయం హాట్ టాపిక్ గా మారింది. 'మనసారా', 'బస్ స్టాప్' చిత్రాలతో తెలుగు వారికి దగ్గరయిన శ్రీదివ్య ఈ చిత్రంలో సమంత కోసం అనుకున్న పాత్రలో నటించనుందని వార్తలు వస్తున్నాయి.