‘విధిలిఖితం’ మోష‌న్ పోస్టర్ వదిలారు

శ్రీ ల‌క్ష్మీ న‌ర‌సింహ ప్రొడ‌క్ష‌న్స్ ‘విధిలిఖితం’ మోష‌న్ పోస్టర్ విడుద‌ల‌

శ్రీ ల‌క్ష్మీ న‌ర‌సింహ ప్రొడక్ష‌న్స్ బ్యాన‌ర్‌లో సోషియో ఫాంట‌సీ యాక్ష‌న్ థ్రిల్ల‌ర్‌గా నిర్మాత పాండు నిర్మాణంలో ఎమ్ లోచ‌న్‌ని ద‌ర్శ‌కుడిగా ప‌రిచ‌యం చేస్తూ తెర‌కెక్కిస్తున్న చిత్రం ‘విధిలిఖితం’. ఈ చిత్రంలో శ‌శాంక్ మంగు, భ‌వ్య‌శ్రీ హీరోహీరోయిన్స్‌గా చేస్తుండ‌గా అతి ముఖ్య‌మైన పాత్ర‌లో ప్ర‌ముఖ న‌టుడు సూర్య‌కుమార్ భ‌గ‌వాన్ దాస్ న‌టిస్తున్నారు. వైవిధ్య‌మైన క‌థ, కాన్సెప్ట్‌తో ఆధ్యంతం థ్రిల్లింగ్ ఎలిమెంట్స్‌తో రూపొందిన ఈ చిత్రం యొక్క మోష‌న్ పోస్ట‌ర్‌ని విడుద‌ల చేశారు. ఈ పోస్ట‌ర్ చూసిన వారంతా కొత్తగా ఫీల్ అవ‌టం చిత్ర యూనిట్‌కి చాలా ఆనందం క‌లిగించింది.

ఈ సంద‌ర్బంగా నిర్మా‌త పాండు మాట్లాడుతూ.. ‘‘రెగ్యుల‌ర్ చిత్రాలు తీస్తే చూసే ప‌రిస్థితి ఇప్ప‌డు లేదు. ఒక కొత్త పాయింట్‌తో సినిమా తీయ‌క‌పోతే ఈ కాంపిటేష‌న్‌లో వుండ‌టం క‌ష్టంగా వుంది. డైరెక్ట‌ర్ ఎమ్ లోచ‌న్ చెప్పిన క‌థ చాలా కొత్త‌గా వుంది. అలానే థ్రిల్లింగ్‌గా వుంది. సూర్యగారి పాత్ర చిత్రానికి కీ పాత్ర అవుతుంది. అలాగే ఈ చిత్రానికి వికాశ్ కురుమెళ్ళ సంగీతాన్ని అందిస్తున్నారు. ల‌క్ష్మి శ్రీనివాస్ కంతేటి, రామ‌కృష్ణ ప‌రిటాల మాట‌లు అందించారు. శ్రీ ల‌క్ష్మీ న‌ర‌సింహ ప్రొడ‌క్ష‌న్స్ బ్యాన‌ర్ పై ఈ చిత్రాన్ని తెర‌కెక్కిస్తున్నాము. మేము విడుద‌ల చేసిన ‘విధిలిఖితం’ మోష‌న్ పోస్ట‌ర్‌కి చాలా మంచి పేరు రావ‌టంతో యూనిట్ అంతా ఉత్సాహంగా వున్నారు..’’ అని అన్నారు.

న‌టీన‌టులు.. శ‌శాంక్ మంగు, భ‌వ్య‌శ్రీ, సూర్య‌కుమార్ భ‌గ‌వాన్‌దాస్ త‌దిత‌రులు..

బ్యాన‌ర్: శ్రీ ల‌క్ష్మీ న‌ర‌సింహ ప్రొడ‌క్ష‌న్స్‌

నిర్మాత: పాండు

క‌థ‌-స్క్రీన్‌ప్లే-ద‌ర్శ‌క‌త్వం: ఎమ్ లొచ‌న్‌

సంగీతం: వికాశ్ కురుమెళ్ళ‌

సినిమాటోగ్ర‌ఫీ: నాగేంద్ర కుమార్ మోతుకూరి

ఫైట్ మాస్ట‌ర్‌: ష‌యోలిన్ మల్లేష్‌

మాట‌లు: ల‌క్ష్మి శ్రీనివాస్ కంతేటి, రామ‌కృష్ణ ప‌రిటాల

లిరిక్స్‌: రామాంజ‌నేయులు

కొరియోగ్రఫీ: చంద్ర‌కిర‌ణ్‌