రా.. రమ్మని సినిమా ప్రారంభం!

దీపక్, లొవే సాసన్, మధుర ప్రధాన పాత్రల్లో ది వైట్ ఫీల్డ్ సినిమాస్ సమర్పణలో దాసరి బ్రహ్మానందం దర్శకత్వంలో మిద్దె సాంబశివరావు గౌడ్ నిర్మిస్తున్న చిత్రం రా.. రమ్మని.. ఈ చిత్ర ప్రారంభోత్సవ వేడుక సోమవారం హైదరాబాద్ లోని రామానాయుడు స్టూడియోస్ లో జరిగింది. ముహూర్తపు సన్నివేశానికి సీనియర్ నటుడు నరేష్ క్లాప్ కొట్టగా, మిద్దె పద్మశ్రీ కెమెరా స్విచ్ ఆన్ చేసారు. దాసరి బ్రహ్మానందం గౌరవ దర్శకత్వం వహించారు. ఈ సందర్భంగా..

నిర్మాత సాంబశివరావు మాట్లాడుతూ.. మా ప్రొడక్షన్ లో వస్తున్న మొదటి చిత్రమిది. ఇదొక ఫ్యామిలీ సెంటిమెంట్ డ్రామా. దర్శకత్వశాఖలో మంచి అనుభవం ఉన్న దాసరి బ్రహ్మానందం గారు ఈ చిత్రానికి దర్శకత్వం వహిస్తున్నారు. చిన్న చిత్రమయినా.. ఇళయరాజా గారు సంగీతం అందించి సపోర్ట్ చేస్తున్నారు. ప్రేక్షకుల అంచనాలకు ఏ మాత్రం తగ్గకుండా చిత్రీకరించనున్నాం.. అని చెప్పారు.

దర్శకుడు దాసరి బ్రహ్మానందం మాట్లాడుతూ.. ఎన్నో చిత్రాలకు అసిస్టెంట్ డైరెక్టర్ గా పని చేసాను. మొదటిసారిగా ఈ చిత్రం ద్వారా దర్శకునిగా పరిచయం కానున్నాను. ఇది చిన్న చిత్రమైనా పెద్ద టెక్నీషియన్స్, సీనియర్ ఆర్టిస్టులు పని చేస్తున్నారు. కీలకమైన పాత్రలో ఓ ఫేమస్ యాక్టర్ కనిపించనున్నారు. నవంబర్ 5 నుండి జనవరి వరకు కంటిన్యూస్ గా షూట్ చేయనున్నాం.. అని చెప్పారు.

దీపక్ మాట్లాడుతూ.. ఈ సినిమాలో ఓ లవర్ బాయ్ క్యారెక్టర్ లో నటిస్తున్నాను. ఈ చిత్రంతో మంచి పేరు వస్తుందని ఆశిస్తున్నాను.. అని చెప్పారు.

లొవే సాసన్ మాట్లాడుతూ.. హిందీలో ఆర్టిస్ట్ గా కొన్ని చిత్రాలకు పని చేసాను. తెలుగులో ఇది నా మొదటి సినిమా. నాకు ఈ అవకాసం ఇచ్చిన దర్శకనిర్మాతలకు ధన్యవాదాలు.. అని చెప్పారు.

మధుర మాట్లాడుతూ.. మరాఠీలో రెండు చిత్రాల్లో, తమిళంలో ఒక చిత్రంలో నటించాను. తెలుగులో నటిస్తున్న మొదటి చిత్రమిది. అందరు సపోర్ట్ చేయాలాని కోరుకుంటున్నాను.. అని చెప్పారు.

ఈ చిత్రానికి మ్యూజిక్: ఇళయరాజా, ఎడిటర్: గౌతంరాజు, డైరెక్టర్ ఆఫ్ ఫోటోగ్రఫీ: రాము పినిశెట్టి, యాక్షన్: రామ్ లక్ష్మణ్, కోరియోగ్రఫీ: బండ్ల రామారావు, ఆర్ట్: షర్మెల యాలిశెట్టి, కాస్ట్యూమ్స్: భాష, స్టిల్స్: రాజు, ప్రొడక్షన్ కంట్రోలర్: బిఎం.రాము, ప్రొడక్షన్ మేనేజర్: రాజేష్ రంబల, కో డైరెక్టర్స్: కర్ర గోపీనాథ్, హరి వెంకట కుమార్, అసోసియేట్: కె.రామ మూర్తి, అసిస్టెంట్ డైరెక్టర్స్: ఆఖిల్ అహ్మద్, ప్రతాప్ తమిర్చి, నిర్మాత: మిద్దె సాంబశివరావు గౌడ్, కథ-స్క్రీన్ ప్లే-డైలాగ్స్-దర్శకత్వం: దాసరి బ్రహ్మానందం.