మహేష్, మురుగదాస్ కథ చిరంజీవిదా?
చిరంజీవిని మెగాస్టారుగా ఇప్పటికీ కీర్తించడానికి ఒకానొక కారణం ఆయన విలక్షనతతో కూడుకున్న కొంగ్రొత్త కథలను ఎన్నుకోవడమే. న్యాయవ్యవస్థలో ఉరిశిక్షను రద్దు చేసేందుకు చేసిన చిరు ప్రయత్నంగా అభిలాష తెలుగు ప్రేక్షకుల గుండెల్లో చెరగని ముద్ర వేసుకుంది. అసలు అటువంటి ఓ కథాంశం ఉన్న నవలను చిత్రంగా తెరకెక్కించాలన్న ప్రయత్నమే హర్షించదగ్గ పరిణామం. అటువంటి భావుకత ఉన్న కథలు ఈరోజుల్లో భూతద్దం పెట్టి వెతికినా కానరావు. కానీ మురుగదాస్ దర్శకత్వంలో మహేష్ బాబు హీరోగా తెలుగు, తమిళంలో ఓ మూవీ ప్రారంభం కాబోతుందన్న వార్త తెలిసిందే.
ఈ సినిమాకు సంబంధించి విశేషం ఏమిటంటే చిరంజీవి టాగూర్ (తమిళ రమణ) కన్నా మునుపే మురుగదాస్ న్యాయవ్యవస్థ చుట్టూ తిరిగే ఓ సంచలనమైన కథాంశంతో స్క్రిప్ట్ రాసుకున్నాడట. సరైన టైం దొరక్క కొంత కాలంగా ఆ స్క్రిప్ట్ మరుగున పడిపోయింది. ఎప్పుడైతే మహేష్ బాబు ఈ కథ నచ్చాడో, మరికొన్ని హంగులు చేర్చి మురుగ అంతా సిద్ధం చేసేసాడు. మహేష్ బాబు కూడా చిరంజీవిలాగా లాయర్ పాత్ర పోషిస్తాడో లేదో తెలియదుగానీ ఖచ్చితంగా చిరంజీవి అభిలాష కథతో ఈ కథకు పోలికలు ఉంటాయని ఫిలిం వర్గాలు చెబుతున్నాయి. సమాజానికి ఉపయోగపడే దర్శకుడిగా మురుగకు, ఇచ్చిన పాత్రను సమర్థవంతంగా పోషించే సత్తా ఉన్న మహేష్ లాంటి ఇద్దరు ఘనాపాటీలు కలిస్తే సంచలనాలు నమోదు కాకుండా ఉంటాయా.
