‘బాహుబలి’ స్టోరీ పాయింట్‌ రివీల్ చేశాడు!

రాజమౌళి దర్శకత్వంలో దాదాపు 250కోట్లకు పైగా బడ్జెట్‌తో రూపొందుతున్న ప్రతిష్టాత్మక చిత్రం ‘బాహుబలి’. ఈ చిత్రాన్ని బాలీవుడ్‌లో కూడా విడుదల చేయడానికి నిర్ణయించడంతో ఈ చిత్రం ప్రమోషన్‌ కార్యక్రమాలను కూడా బాలీవుడ్‌లో వేగవంతం చేశారు. రానా, తమన్నాలకు హిందీలో గుర్తింపు ఉండటంతో రాజమౌళి వారిపైనే తన దృష్టిని కేంద్రీకరించి ప్రమోషన్‌ను ముమ్మరం చేశాడు. కాగా ఓ ప్రమోషన్‌ కార్యక్రమంలో మాట్లాడిన రానా ‘బాహుబలి’ స్టోరీ పాయింట్‌ను రివీల్‌ చేశాడు. ఆయన మాట్లాడుతూ ‘బాహుబలి’ స్టోరీని రెండు ముక్కల్లో చెప్పాలంటే... రాజ్యం కోసం ఇద్దరు అన్నదమ్ముల మధ్య జరిగిన పోరాటమే ఈ చిత్రం స్టోరీ’ అని తెలిపాడు. గతంలో ఇదే పాయింట్‌ ఆదారంగా పలు సినిమాలు వచ్చినప్పటికీ ‘బాహుబలి’ ట్రీట్‌మెంట్‌ పరంగా, మేకింగ్‌ పరంగా సంచలనం సృష్టిస్తుందని ఆయన ఆశాభావం వ్యక్తం చేశాడు.