చ‌ర‌ణ్ ఫుల్ హ్యాపీ..!

కొత్త సినిమా విష‌యంలో చ‌ర‌ణ్ హ్యాపీగా ఉన్నాడు. మా టీమ్ ఎన‌ర్జీ చూస్తుంటే ముచ్చ‌టేస్తోంద‌నీ, ఇలాంటి సినిమా చేస్తున్నందుకు ఆనందంగా ఉంద‌ని ఫేస్‌బుక్ ద్వారా వ్యాఖ్యానించాడు చ‌ర‌ణ్‌. ప్ర‌స్తుతం శ్రీనువైట్ల ద‌ర్శ‌క‌త్వంలో రామ్ చ‌ర‌ణ్ ఓ సినిమా చేస్తున్న విషయం తెలిసిందే. ఫ్యామిలీ విత్ యాక్ష‌న్ ఎంట‌ర్‌టైన‌ర్‌గా రూపుదిద్దుకొంటున్న ఈసినిమా శ‌ర‌వేగంగా చిత్రీక‌ర‌ణ జ‌రుపుకొంటోంది. ఇటీవ‌ల ఇంట‌ర్వెల్ బ్యాంగ్‌లో వ‌చ్చే యాక్ష‌న్‌తో పాటు, రెండు పాట‌ల్ని, కొన్ని స‌న్నివేశాల్ని చిత్రీక‌రించారు. ఆ స‌న్నివేశాలపై చ‌ర‌ణ్ సంతోషంగా ఉన్నాడు. ``సినిమా చాలా బాగా వ‌స్తోంద‌నీ, కొత్త టీమ్ విష‌యంలో వంద‌శాతం సంతృప్తిగా ఉన్నాన‌``ని ఫేస్‌బుక్‌లో రాసుకొచ్చాడు చ‌ర‌ణ్‌. ఈసినిమాకి `మై నేమ్ ఈజ్ రాజు`, `బ్రూస్‌లీ` అనే పేర్లు ప్ర‌చారంలో ఉన్నాయి. ఇందులో చెర్రీ ఫైట‌ర్‌గా క‌నిపిస్తాడ‌ని స‌మాచారం. ర‌కుల్ ప్రీత్‌సింగ్ కథానాయిక‌గా న‌టిస్తోంది. అక్టోబ‌రులో ప్రేక్ష‌కుల ముందుకు తీసుకురావ‌డమే ల‌క్ష్యంగా చిత్రాన్ని శ‌ర‌వేగంగా తెర‌కెక్కిస్తున్నారు.