కాక పుట్టిస్తున్న రామ్ డైలాగ్‌..!

ఇటీవ‌ల సినిమాల‌పైన సినిమాలే, హీరోల‌పైన హీరోలే పంచ్‌లు వేసుకోవ‌డం ప‌రిపాటిగా మారింది.  మొన్నటికి మొన్న 'ఆగడు' సినిమాలో మ‌హేష్ చేత ఇలాంటి డైలాగుల్ని బోలెడ‌న్ని చెప్పించాడు శ్రీనువైట్ల‌. ఆ విష‌యం కొన్ని రోజులు ప‌రిశ్ర‌మ‌లో కాక పుట్టించింది.  చివ‌రికి మహేషే క‌ల‌గ‌జేసుకొని `ఆ డైలాగులు మా సినిమాల‌పైన వేసుకొన్న‌వే` అని  స‌ర్దిచెప్పాడు.  మంచు మనోజ్  కూడా ఆమ‌ధ్య 'కరెంట్ తీగ'లో 'చెట్టు పేరు చెప్పి కాయ పేరు చెప్పి` అంటూ  ఓ డైలాగ్ వదిలాడు.  ఇప్పుడు రామ్ వంతొచ్చింది. త‌న కొత్త సినిమా `పండగ చేస్కో` కోసం...   ``ధైర్యమనేది బ్లడ్ లో వుంటది , బాడీలో వుంటది, ఫ్యామిలీలో వుంటది, గుండెల్లో నుంచి వచ్చే దమ్ములో వుంటదని ఎదవ సొల్లు చెప్పడం నాకు ఇష్ట‌ముండ‌దురా``  అంటూ వీర‌లెవిల్లో ఓ డైలాగు చెప్పేశాడు. మ‌న స్టార్ కథానాయ‌కులు ఎక్కువ‌గా  బ్లడ్, ఫ్యామిలీ, దమ్ము.. అంటూ డైలాగులు చెబుతుంటారు. ఆ క‌థానాయ‌కులంద‌రిపైనా  ఇప్పుడు రామ్ సెట్టైర్ వేసిన‌ట్టయింది. నిన్న‌టినుంచి ప‌రిశ్ర‌మ‌లో  ఇదే విష‌యం గురించి మాట్లాడుకొంటున్నారు.  ఇలాంటి డైలాగులు లేనిపోని కాంట్ర‌వ‌ర్సీల‌కి దారితీసే అవ‌కాశ‌ముంద‌న్న అభిప్రాయాలు ప‌రిశ్ర‌మ‌లో వినిపిస్తున్నాయి.