Advertisementt

కెసిఆర్ దారిలో మా యూనిట్!

Thu 01st Oct 2015 10:59 PM
movie artist association,naresh,rajendhra prasad,murali mohan  కెసిఆర్ దారిలో మా యూనిట్!
కెసిఆర్ దారిలో మా యూనిట్!
Advertisement
Ads by CJ

మూవీ ఆర్టిస్ట్ అసోసియేషన్ సంస్థ వారికి అనుబంధంగా వెల్ఫేర్ కమిటీను ఏర్పాటు చేసిన దానికి చైర్మన్ గా సీనియర్ నటుడు నరేష్ ను నియమించారు. ఈ కమిటీ త్వరలోనే మా అసోసియేషన్ లో సభ్యత్వమున్న కళాకారుల వివరాలను సేకరించేందుకు సమగ్ర సర్వేను నిర్వహించనున్నారు. రీసెంట్ గా కెసిఆర్ కూడా ఇలానే అనేక సర్వేలను నిర్వహించారు. ఆయన బాటలోనే మా యూనిట్ వారు కూడా నడుస్తున్నారు. ఈ సందర్భంగా..

నరేష్ మాట్లాడుతూ.. మా లో సభ్యత్వమున్న కళాకారుల స్థితిగతుల గురించి, జీవన విధానాన్ని తెలుసుకోవడానికి సర్వేను నిర్వహించనున్నాం. ఆ సర్వే ఫలితాల ఆధారంగా కొన్ని గ్రేడుల ప్రకారం విభజించి సమన్యాయం చేస్తాం.. అని చెప్పారు.

ప్రెసిడెంట్ రాజేంద్రప్రసాద్ మాట్లాడుతూ.. ఓ మంచి పని కోసం అందరం ఇలా ఒక్కటవ్వడం చాలా సంతోషంగా ఉంది. ఆర్థికంగా వెనుకబడిన కళాకారులకు తమ వంతు సహాయ సహకారాల్ని అందించడానికి ముందుకొచ్చిన ఐఏఎస్ అధికారి చంద్రమౌళి గారికి నా అభినందనలు. మేము చేపడుతున్న ఈ సర్వేలో ప్రతి ఒక్కరు పాల్గొని తమ వివరాల్ని అందించాలి.. అని చెప్పారు.

కైకాల సత్యనారాయణ మాట్లాడుతూ.. సినీ కళాకారులను ఆదుకోవాల్సిన బాధ్యత అసోసియేషన్ లో సభ్యత్వమున్న ప్రతి ఒక్కరికి ఉంది. వారి జీవితాల్లో మార్పు కోసం చేపడుతున్న ఈ కార్యక్రమానికి నా వంతు సహకారం అందిస్తాను.. అని చెప్పారు.

మురళిమోహన్ మాట్లాడుతూ.. నూటికి తొంబై శాతం మంది ఆర్టిస్టులు కష్టాల్లోనే ఉన్నారు. వారందరి శ్రేయస్సు కోసం త్వరలోనే రాష్ట్ర, కేంద్ర ప్రభుత్వాలను కలిసి సహాయమందిచమని అడుగుతాం.. అని చెప్పారు. 

ఇంకా ఈ కార్యక్రమంలో చంద్రమౌళి, శివాజీరాజా, మదాల రవి, మాధవరావు తదితరులు పాల్గొన్నారు.

Advertisement
Ads by CJ


Loading..
Loading..
Loading..
Advertisement
Ads by CJ