APలో మరో 6 కొత్త విమానాశ్ర‌యాలు
CM says six new airports will be set up in AP
ఆంధ్రప్రదేశ్ లో మరో 6 కొత్త విమానాశ్ర‌యాలు రానున్నాయి. శ్రీ‌కాకుళం, కుప్పం స‌హా పలు చోట్ల ఈ విమానాశ్ర‌యాలు రానున్నాయి. ఆ మేర‌కు విమానయాన శాఖ మంత్రి రామ్మోహన్ ఓ ప్ర‌క‌ట‌న‌లో అధికారికంగా వెల్లడించారు. విశాఖపట్నంలోని ఐఐఎం (IIM) వేదికగా జరిగిన 31వ సీఐఐ (CII) ప్రాంతీయ సదస్సులో ఆంధ్రప్రదేశ్ అభివృద్ధి - పారిశ్రామిక వృద్ధికి సంబంధించి కేంద్ర, రాష్ట్ర మంత్రులు చేసిన కీలక ప్రకటనల సారాంశం ఇలా ఉంది:
దేశవ్యాప్తంగా ప్రతి 45 రోజులకు ఒక కొత్త విమానాశ్రయం ప్రారంభమవుతోందని కేంద్ర పౌర విమానయాన శాఖ మంత్రి కింజరాపు రామ్మోహన్ నాయుడు ఈ స‌మావేశంలో ప్రకటించారు. ఇందులో భాగంగా ఆంధ్రప్రదేశ్‌లో మరో ఆరు కొత్త విమానాశ్రయాలను నిర్మించనున్నట్లు ఆయన అధికారికంగా ప్రకటించారు. ఇటీవల ప్రారంభమైన ప్రతిష్టాత్మక భోగాపురం అంతర్జాతీయ విమానాశ్రయం ఏపీకి గర్వకారణమని పేర్కొంటూ, ఇది ఉత్తరాంధ్ర ప్రాంతంలో భారీ పారిశ్రామిక అభివృద్ధికి బాటలు వేస్తుందని చెప్పారు. త్వరలోనే `విశాఖ ఎకనామిక్ రీజియన్` వాస్తవ రూపం దాల్చనుందని వెల్లడించారు.
రాష్ట్రంలో పరిశ్రమలను ఏర్పాటు చేయడానికి ముందుకు వచ్చే పారిశ్రామికవేత్తలకు పూర్తి లాజిస్టిక్స్ మద్దతు ఇస్తామని రాష్ట్ర మౌలిక సదుపాయాలు మరియు పెట్టుబడుల శాఖ మంత్రి బి.సి. జనార్థన్ రెడ్డి తెలిపారు. రాష్ట్రంలో పారిశ్రామిక రంగాన్ని బలోపేతం చేసేందుకు నాలుగు మల్టీ-మోడల్ లాజిస్టిక్స్ పార్కులు, 22 ట్రక్ టర్మినల్స్, 300 కోల్డ్ చైన్ కేంద్రాలను ఏర్పాటు చేయాలని ప్రభుత్వం ప్రతిపాదించినట్లు ఆయన వెల్లడించారు. ఈ సదస్సు వేదికగా పలు పారిశ్రామిక దిగ్గజాలు, కంపెనీలు ప్రభుత్వంతో కలిసి పెట్టుబడుల కోసం అవగాహన ఒప్పందాలు కుదుర్చుకున్నాయి.
