మరో రెండు రోజుల్లో దర్శకుడు క్రిష్ పెళ్లి

డైరెక్టర్ క్రిష్ మళ్ళీ పెళ్లి చేసుకోబోతున్నారు. గతంలో డాక్టర్ రమ్య ను వివాహం చేసుకున్న క్రిష్ చాలా త్వరగా భార్యతో విడాకులు తీసుకున్నారు, క్రిష్-రమ్య మధ్యలో వ్యక్తిగత విభేదాల తలెత్తడంతో ఇద్దరూ విడాకులు తీసుకుని వేరయ్యారు, ఆతర్వాత రమ్య అమెరికాలో ఓ వ్యక్తిని పెళ్లి చేసుకుని సెటిల్ అయ్యింది. 

తాజాగా క్రిష్ కూడా రెండో పెళ్ళికి సిద్ధమయ్యారు. గైనకాలజిస్ట్ ప్రీతీ చల్లా ను క్రిష్ రెండో వివాహం చేసుకోబోతున్నారు. క్రిష్-ప్రీతీ చల్లా వివాహం నవంబర్ 10 అంటే ఈ ఆదివారం హైదరాబాద్ లో జరగబోతున్నట్లుగా తెలుస్తుంది. క్రిష్ కి మాత్రమే కాదు ప్రీతి చల్లాకు కూడా ఇది రెండో పెళ్లి అని తెలుస్తోంది.