రాజమౌళి-మహేష్ కాంబో: ఇదేం ట్విస్ట్

రాజమౌళి-మహేష్ బాబు కాంబో పై ఎలాంటి న్యూస్ వినిపించినా అది క్షణాల్లో వైరల్ అవుతుంది. ఈ కాంబో పై ఎప్పుడు అప్ డేట్ ఇస్తారో అనే అతృతతో మహేష్ అభిమానులే కాదు ప్రపంచ వ్యాప్త రాజమౌళి అభిమానులు వెయిట్ చేస్తున్నారు. ఆగష్టు 9 న మహేష్ బర్త్ డే కే SSMB 29 ట్రీట్ అందుతుంది అనుకుంటే అది అవ్వలేదు. 

సెప్టెంబర్ లో ఈ కాంబో పై అసలు సిసలైన అప్ డేట్ ఇచ్చేలా రాజమౌళి ప్రస్తుతం ప్రీ ప్రొడక్షన్ పనులతో పాటుగా కాన్సెప్ట్ వీడియో ని రెడీ చేసే పనిలో ఉన్నట్లుగా తెలుస్తుంది. మరోపక్క రాజమౌళి-మహేష్ కాంబో పై ఓ క్రేజీ న్యూస్ బయటికి వచ్చింది. ఈ చిత్రానికి గరుడ అనే టైటిల్ రాజమౌళి అనుకుంటున్నారా అనేలా ఓ న్యూస్ హైలెట్ అయ్యింది. 

SSMB 29 విజువల్ డెవలప్మెంట్ ఆర్టిస్ట్ విజయన్ సోషల్ మీడియా హ్యాండిల్ లో గోల్డ్ కలర్ గద్ద రెక్కలను ఉంచి #SSMB29 #SSMB29Diaries అంటూ చేసిన పోస్ట్ స్ప్రెడ్ అవడం అటుంచి రాజమౌళి-మహేష్ కాంబో కి గరుడ అనే టైటిల్ ఎమన్నా పెడుతున్నారా అనే అనుమానం వచ్చేలా ఉండడంతో.. SSMB29 టైటిల్ గరుడ అయ్యుండొచ్చు అని ఊహించేసుకుంటున్నారు సినీ జనాలు.