యువనటికి పోకిరి వేధింపులు

గత రాత్రి హైదరాబాద్ లోని ప్రముఖ ఏరియా KBR  పార్క్ లో ఓ యువనటిని  వేధించిన ఆగంతుకుడు శేఖర్ పోలీస్ లకి చిక్కాడు. రాత్రి ఏడు గంటల సమయంలో వాకింగ్ కోసమని వచ్చిన ఆ నటిని ఫాలో అవడంతో ఆమె కొద్దిగా భయపడి ఆగి వెనక్కి చూడగా ఆ వ్యక్తి కూడా ఆగి మళ్ళీ ఆమె నడవగానే.. అతను నడక మొదలు పెట్టడం, ఇలా నాలుగైదు సార్లు జరగడంతో ఆ నటి తనని ఓ వ్యక్తి వెంబడిస్తున్నాడంటూ పక్కవారికి చెప్పడంతో వారు పార్క్ సిబ్బందికి సమాచారం అందించారని తెలుస్తుంది.

ఆ వెంటనే పార్క్ సిబ్బంది ఆ వ్యక్తిని పట్టుకుని పోలీస్ లకి అప్పజెప్పడంతో.. పోలీస్ లు పట్టుకున్న ఆగంతుకుడిని శేఖర్ గా గుర్తించారు. గత రాత్రి KBR పార్క్ కి వాకింగ్ కి వచ్చిన ఆ నటి కొండాపూర్ బొటానికల్ గార్డెన్స్ సమీపంలో నివసిస్తుంది, ఆమె తరుచూ ఇలా KBR పార్క్ కి వస్తూ వాకింగ్ చేస్తూ ఉండడం అతను గమనించి ఇలా వెంటపడినట్లుగా పోలీస్ లు చెబుతున్నారు.